ອິດສະຫຼະ.ຄອມ ເປັນເວັັບໄຊ ທີ່ນຳສະເໜີຂໍ້ມູນຂ່າວສານທັງພາຍໃນ ແລະ ຕ່າງປະເທດ ທີ່ຫຼາກຫຼາຍມຸມມອງ ໂດຍຮັບປະກັນໄດ້ເຖິງຄວາມຖືກຕ້ອງ ເປັນຈິງຂອງເນື້ອໃນໃຈຄວາມທີ່ນຳສະເໜີ ທີ່ອ້າງອີງຈາກແຫຼ່ງຂໍ້ມູນຂ່າວສານລະດັບແນວໜ້າຂອງໂລກ ແລະ ພາຍໃນ ດັ່ງນັ້ນ, ຈຶ່ງມີນະໂຍບາຍວ່າ:
“ທຸກໆການເຄື່ອນໄຫວດ້ານເນື້ອໃນ ແລະ ຂໍ້ມູນທີ່ເຜີຍແຜ່ຕ້ອງມີຄວາມຖືກຕ້ອງເປັນຈິງ ແລະ ໜ້າເຊື່ອຖື ໂດຍເຫັນແກ່ສິດຜົນປະໂຫຍດຂອງສ່ວນລວມເປັນສຳຄັນ”
ອິດສະຫຼະ.ຄອມ ເກີດຂຶ້ນພາຍໃຕ້ແນວຄວາມຄິດ ອິດສະຫຼະແຫ່ງຊີວິດ ອິດສະຫຼະແຫ່ງຈິນຕະນາການ
- ອິດສະຫຼະແຫ່ງຊີວິດ: ໃນທີ່ນີ້ໝາຍເຖິງ ສິດໃນການຮັບຮູ້ຂໍ້ມູນຂ່າວສານຢ່າງອິດສະຫຼະ ໂດຍບໍ່ຖືກປິດກັ້ນຂັ້ນກາງຈາກສິ່ງໃດສິ່ງໜຶ່ງ.
- ອິດສະຫຼະແຫ່ງຈິນຕະນາການ: ໃນທີ່ນີ້ໝາຍເຖິງ ສິດໃນການຄິດພິຈາລະນາ, ສິດໃນການວິເຄາະ ແລະ ປະກອບຄຳເຫັນໄດ້ຢ່າງອິດສະຫຼະ ໂດຍບໍ່ຖືກຊັກຈູງຈາກສິ່ງໃດສິ່ງໜຶ່ງ.
ອິດສະຫຼະ.ຄອມ ໄດ້ຮັບອະນຸຍາດຢ່າງຖືກຕ້ອງຕາມກົດໝາຍ ໃຫ້ດຳເນີນງານບໍລິການຂໍ້ມູນຂ່າວສານຜ່ານສື່ອອນລາຍ ຈາກກົມສື່ມວນຊົນ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.
ພວກເຮົານຳສະເໜີດ້ວຍຄຸນນະພາບ
- ດ້ວຍເນື້ອໃນທີ່ຄວນຄ່າແກ່ການນຳສະເໜີ
- ດ້ວຍແຫຼ່ງຂ່າວລະດັບແນວໜ້າຂອງໂລກ ແລະ ພາຍໃນ
- ດ້ວຍຄວາມເຄົາລົບຕໍ່ກຽດ ແລະ ສັກສີຂອງທຸກຝ່າຍ
ນະໂຍບາຍຕໍ່ຜູ້ຕິດຕາມ ຫຼື ຜູ້ອ່ານ
- ພວກເຮົາເຄົາລົບຜູ້ຕິດຕາມທຸກໆຄົນຢ່າງເທົ່າທຽມ ໂດຍບໍ່ມີການຈຳແນກໃດໆ
- ການສະແດງຄວາມຄິດເຫັນ ຖືເປັນສິດທິຂັ້ນພື້ນຖານມະນຸດ ຕາມທີ່ລະບຸໄວ້ໃນລັດຖະທຳມະນູນ ແລະ ກົດໝາຍ, ແຕ່ຄວາມຄິດເຫັນນັ້ນໆແມ່ນຕ້ອງຢູ່ພາຍໃຕ້ຄວາມຮັບຜິດຊອບຂອງຜູ້ກ່ຽວເອງ ຖ້າຫາກກະທົບຕໍ່ກຽດ ແລະ ສັກສີຂອງບຸກຄົນອື່ນ ແຕ່ພວກເຮົາຂໍສະຫງວນສິດທີ່ຈະລົບຄວາມຄິດເຫັນໃດໆກໍ່ຕາມ ທີ່ມີລັກສະນະດັ່ງນີ້:
- ຄວາມຄິດເຫັນທີ່ເປັນການກໍ່ກວນ, ຍຸແຍ່ ຫຼື ໂຈມຕີຜູ້ອື່ນ
- ຄວາມຄິດເຫັນທີ່ສະແດງເຖິງການແບ່ງແຍກເຊື້ອຊາດ, ສາສະໜາ, ສີຜິວ, ເພດ, ການໃຊ້ຄຳເວົ້າທີ່ອະນາຈານ, ປ້ອຍດ່າ.
- ຄວາມຄິດເຫັນທີ່ໃຊ້ພາສາທີ່ບໍ່ສຸພາບ ຫຼື ພາສາທີ່ສ້າງຄວາມບໍ່ພໍໃຈໃຫ້ແກ່ຜູ້ອື່ນ
- ຄວາມຄິດເຫັນທີ່ສົ່ງເສີມໃຫ້ກະທຳໃນສິ່ງທີ່ຜິດກົດໝາຍ
- ຄວາມຄິດເຫັນທີ່ເປັນການໂຄສະນາສິນຄ້າ ຫຼື ບໍລິການທີ່ໄດ້ຜົນກຳໄລ ຫຼື ສິ່ງຕອບແທນ
- ຄວາມຄິດເຫັນຈາກບຸກຄົນທີ່ອ້າງຊື່ ຫຼື ປອມຕົວເປັນຜູ້ອື່ນ
- ຄວາມຄິດເຫັນທີ່ມີລັກສະນະຊ້ຳຊ້ອນ (ສະແດງຄວາມຄິດເຫັນເດີມໆຊ້ຳໆຈຳນວນຫຼາຍ)
- ລວມເຖິງ Link ເພື່ອເຊື່ອມຕໍ່ໄປຍັງເວັບໄຊອື່ນ ທີ່ບໍ່ແມ່ນ www.idsala.com
ພວກເຮົາເຄົາລົບຄວາມແຕກຕ່າງຢ່າງສ້າງສັນ ແຕ່ຕ້ອງຢູ່ໃນກອບ ແລະ ກະຕິກາຂ້າງຕົ້ນ ເພື່ອເປັນການໃຫ້ກຽດເຊິ່ງກັນ ແລະ ກັນ ຕາມຫຼັກການຂອງການຢູ່ຮ່ວມກັນຢ່າງສັນຕິ ແລະ ສີວິໄລ.