ນ້ອງສາວຜູ້ນຳເກົາຫຼີເໜືອ ປະຕິເສດຜູ້ນຳເກົາຫຼີໃຕ້ທີ່ຈະສົ່ງທູດເຈລະຈາບັນຫາຄວາມຂັດແຍ່ງຮອບໃໝ່

ລາຍງານ 17 ມິຖຸນາ 2020, ສຳນັກຂ່າວກາງເກົາຫຼີ (KCNA) ລາຍງານວ່າ ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ຂໍສົ່ງຄະນະຜູ້ແທນພິເສດຢ້ຽມຢາມນະຄອນຫຼວງປຽງຢາງ ເພື່ອແກ້ໄຂບັນຫາດ້ວຍຂໍ້ສະເໜີທີ່ບໍ່ມີຄວາມໝາຍ ອັນເປັນກົນອຸບາຍທີ່ບໍ່ອາດໃຊ້ໄດ້ຜົນກັບເກົາຫຼີເໜືອອີກຕໍ່ໄປ.

ລາຍງານຂອງ KCNA ລະບຸວ່າ ບັນຫາທີ່ກຳລັງເກີດຂຶ້ນເປັນເລື່ອງລະຫວ່າງເກົາຫຼີເໜືອ ກັບເກົາຫຼີໃຕ້ເທົ່ານັ້ນ ໂດຍມີສາເຫດມາຈາກການທີ່ລັດຖະບານເກົາຫຼີໃຕ້ຂາດປະສິດທິພາບ ແລະ ບໍ່ມີຄວາມຮັບຜິດຊອບໃດໆ, ສະຖານະການຄັ້ງນີ້ຈະຍຸຕິໄດ້ກໍ່ຕໍ່ເມື່ອເກົາຫຼີໃຕ້ຕ້ອງຊົດໃຊ້ຢ່າງເຖິງທີ່ສຸດເທົ່ານັ້ນ.

ເຊິ່ງມີລາຍງານວ່າ ຜູ້ນຳເກົາຫຼີໃຕ້ຕ້ອງການສົ່ງຄະນະຜູ້ແທນພິເສດເດີນທາງໄປຍັງນະຄອນຫຼວງປຽງຢາງ ນຳໂດຍທ່ານ ຈອງ ອວີ-ຢອງ ທີ່ປຶກດ້ານຄວາມໝັ້ນຄົງແຫ່ງຊາດ ແລະ ທ່ານ ຊູ ຮຸນ ຜູ້ອຳນວຍການສຳນັກຂ່າວກອງແຫ່ງຊາດ ເຊິ່ງທັງສອງເຄີຍຢ້ຽມຢາມເກົາຫຼີເໜືອມາແລ້ວເມື່ອເດືອນມີນາ 2018 ແລະ ໄດ້ພົບປະຫາລືກັບທ່ານ ຄິມ ຈອງ-ອຶນ ຜູ້ນຳສູງສຸດ ແລະ ເຈົ້າໜ້າທີ່ລະດັບສູງອີກຫຼາຍຄົນຂອງພັກແຮງງານ, ເຖິງຢ່າງໃດກໍ່ຕາມ ຄວາມພະຍາຍາມປະສານງານຄັ້ງຫຼ້າສຸດໄດ້ຮັບການປະຕິເສດຈາກທ່ານ ນາງ ຄິມ ໂຢ-ຈອງ ນ້ອງສາວຜູ້ນຳສູງສຸດເກົາຫຼີເໜືອ.

ຂະນະດຽວກັນ, ສຳນັກງານເລຂາທິການຄະນະເສນາທິການກອງທັບປະຊາຊົນເກົາຫຼີ (KPA) ປະກາດກຽມເຝິກຊ້ອມຮົບ ແລະ ຕັ້ງປ້ອມສັງເກດການທາງທະຫານບໍລິເວນພູຄຸມກັງ ທີ່ຢູ່ທາງພາກຕາເວັນອອກສຽງໃຕ້ ແລະ ນິຄົມອຸດສາຫະກຳແກຊອງທີ່ຢູ່ທາງຕາເວັນຕົກສຽງໃຕ້ ຕະຫຼອດຮອດການກຳນົດໃຫ້ເຂດແດນບາງສ່ວນເປັນແນວຮົບດ່ານໜ້າ ເພື່ອກຽມສົ່ງປຸ້ງເປົ້າບັນຈຸໃບປິວຂ້າມໄປຍັງເກົາຫຼີໃຕ້ ໂດຍບໍລິເວນທັງໝົດທີ່ KPA ກ່າວເຖິງ ລ້ວນລະບຸຢູ່ໃນຂໍ້ຕົກລົງທາງທະຫານທີ່ສອງເກົາຫຼີລົງນາມຮ່ວມກັນເມື່ອປີ 2018 ກຳນົດໃຫ້ເປັນເຂດປອດທະຫານແຫ່ງໃໝ່.

ນອກຈາກນີ້, ເມື່ອຕອບບ່າຍຂອງອັນວອັງຄານຕາມເວລາທ້ອງຖິ່ນ ເກົາຫຼີເໜືອໄດ້ລະເບີດທຳລາຍສູນປະສານງານຮ່ວມສອງເກົາຫຼີ ທີ່ຕັ້ງຢູ່ພາຍໃນນິຄົມແກຊອງ ພາຍຫຼັງທີ່ທ່ານ ນາງ ຄິມ ໂຢ-ຈອງ ກ່າວເມື່ອຕົ້ນເດືອນນີ້ວ່າ ຫາກການສົ່ງໃບປິວຂອງກຸ່ມຄົນເກົາຫຼີເໜືອທີ່ຫຼົບໄປເກົາຫຼີໃຕ້ຍັງເກີດຂຶ້ນອີກ ເກົາຫຼີໃຕ້ຕ້ອງຍ້າຍອອກເປັນການຖາວອນຈາກສູນປະສານງານຮ່ວມສອງເກົາຫຼີ ເຊິ່ງສອງສາວຂອງຜູ້ນຳສູງສຸດເກົາຫຼີເໜືອກ່າວອີກວ່າ ສູນດັ່ງກ່າວມີແຕ່ສ້າງບັນຫາ.

HTML tutorial