ແຈ້ງເຕືອນໄພ ຝົນຕົກໜັກລະຫວ່າງວັນທີ 2-4 ກໍລະກົດ 2020

ລາຍງານ 2 ກໍລະກົດ 2020, ອີງຕາມແຈ້ງເຕືອນ ສະບັບເລກທີ 0857/ກອຕທ, ລົງວັນທີ 2 ກໍລະກົດ 2020, ຂອງກົມອຸຕຸນິຍົມ ແລະ ອຸກທົກກະສາດ ລະບຸວ່າ: ເນື່ອງຈາກຄວາມກົດດັນຕ່ຳຂອງອາກາດມີກຳລັງປານກາງປົກຄຸມຢູ່ທົ່ວທຸກພາກຂອງປະເທດ ພ້ອມດຽວກັນ ລົມມໍລະສຸມຕາເວັນຕົກສຽງໃຕ້ມີກຳລັງແຮງເພີ່ມຂຶ້ນພັດປົກຄຸມ ໃນໄລຍະວັນທີ 2-3 ກໍລະກົດນີ້ ຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ແລະ ຕົກໜັກຢູ່ບາງທ້ອງຖິ່ນບັນດາແຂວງບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ພ້ອມມີລົມພັດແຮງເປັນບາງໂອກາດ.

ດັ່ງນັ້ນ, ຈຶ່ງແຈ້ງເຕືອນເຖິງອົງການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ຈົ່ງມີສະຕິລະມັດລະວັງຕົວຕໍ່ສະພາບຝົນຕົກໜັກ ທີ່ຈະເຮັດໃຫ້ມີນ້ຳຖ້ວມອັ່ງຢູ່ບັນດາແຂວງດັ່ງກ່າວ ແລະ ຂໍໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດໃນໄລຍະ 1 ຫາ 3 ວັນຕໍ່ໜ້ານີ້.

ແຈ້ງການຈາກ: ກົມອຸຕຸນິຍົມ ແລະ ອຸທົກກະສາດ

HTML tutorial