ສ.ອາເມຣິກາ ອະນຸມັດຂາຍຍົນ F-35 ຈຳນວນ 105 ລຳ ໃຫ້ຍີ່ປຸ່ນພັນທະມິດລາຍໃຫຍ່ໃນອາຊີ

ລາຍງານ 11​ ກໍລະກົດ 2020, ກະຊວງການຕ່າງປະເທດ ສ.ອາເມຣິກາ ອອກຖະແຫຼງການເມື່ອວັນພະຫັດ (9 ກໍລະກົດ) ທີ່ຜ່ານມາ ວ່າໄດ້ອະນຸມັດການຂາຍຍົນຮົບຂັບໄລ່ F-35 ຈຳນວນ 105 ລຳໃຫ້ແກ່ກອງກຳລັງປ້ອງກັນຕົນເອງຍີ່ປຸ່ນ ແບ່ງເປັນຍົນ F-35A ຈຳນວນ 63 ລຳ ແລະ F-35B ຈຳນວນ 42 ລຳ ຕົກເປັນມູນຄ່າລວມປະມານ 23,100 ລ້ານໂດລາສະຫະລັດ (23.1 ຕື້ໂດລາສະຫະລັດ).

ເຊິ່ງລາຍງານຂອງລັດຖະບານ ສ.ອາເມຣິກາລະບຸວ່າ ການຂາຍຍົນຂັບໄລ່ຊຸດໃໝ່ດັ່ງກ່າວໃຫ້ແກ່ຍີ່ປຸ່ນ ມີຈຸດປະສົງເພື່ອຍົກລະດັບດ້ານຄວາມໝັ້ນຄົງໃຫ້ກັບພັນທະມິດລາຍໃຫຍ່ຂອງ ສ.ອາເມຣິກາໃນພູມມິພາກອາຊີ-ປາຊີຟິກ.

ໃນດ້ານຂອລັດຖະບານຍີ່ປຸ່ນ ຍັງບໍ່ສະແດງທ່າທີຢ່າງເປັນທາງການ ແຕ່ກະຊວງປ້ອງກັນປະເທດຍີ່ປຸ່ນປະກາດເມື່ອທ້າຍເດືອນທີ່ຜ່ານມາ ໃຫ້ຍົກເລີກໂຄງການຕິດຕັ້ງລະບົບຂີປະນາວຸດ Aegis Ashore ໃນແຂວງອາກິຕະ ຝັ່ງເບື້ອງຕາເວັນອອກສຽງເໜືອ ແລະ ແຂວງຢາມາງຸຈິ ຝັ່ງເບື້ອງຕາເວັນອອກສຽງໃຕ້ຂອງປະເທດ ເຊິ່ງທັງສອງແຂວງຕັ້ງຢູ່ເກາະຮົນຊູ ເຊິ່ງເປັນເກາະທີ່ໃຫຍ່ທີ່ສຸດຂອງປະເທດ ດ້ວຍເງື່ອນໄຂດ້ານງົບປະມານ ແລະ ຄວາມຂັດແຍ່ງກັບປະຊາຊົນໃນພື້ນທີ່.

HTML tutorial