ຫວຽດນາມສົ່ງອອກເຂົ້າໄດ້ 3.5 ລ້ານໂຕນ ສ້າງລາຍໄດ້ຮັບ 1.7 ຕື້ໂດລາ ໃນ 6 ເດືອນຕົ້ນປີ 2020

ລາຍງານ 11​ ກໍລະກົດ 2020, ອີງຕາມການລາຍງານຂອງສຳນັກຂ່າວຊິນຫົວໃຫ້ຮູ້ວ່າ: ສູນສະຖິຕິແແຫ່ງຊາດຫວຽດນາມໄປເປີດເຜີຍຂໍ້ມູນວ່າ ຫວຽດນາມສາມາດສ້າງລາຍໄດ້ກວ່າ 1.7 ຕື້ໂດລາສະຫະລັດ ຈາກການສົ່ງອອກເຂົ້າຫຼາຍກວ່າ 3.5 ລ້ານໂຕນໃນ 6 ເດືອນຕົ້ນປີ 2020 ນີ້ ເພີ່ມຂຶ້ນ 19.3% ແລະ 5.6% ຕາມລຳດັບເມື່ອທຽບໃສ່ປີຜ່ານມາ.

ຈີນ, ມາເລເຊຍ ແລະ ຟິລິບປິນ ຖືເປັນຕະຫຼາດສົ່ງອອກເຂົ້າທີ່ສຳຄັນຂອງຫວຽດນາມ ທີ່ກັບມາສົ່ງອອກເຂົ້າໃນເດືອນພຶດສະພາ ທີ່ຜ່ານມາ, ພາຍຫຼັງມີການສັ່ງຫ້າມສົ່ງອອກຊົ່ວຄາວໃນເດືອນມີນາ ເພື່ອຮັບປະກັນຄວາມໝັ້ນຄົງທາງອາຫານຂອງປະເທດໃນຍາມເກີດວິກິດການແຜ່ລະບາດຂອງພະຍາດໂຄວິດ-19.

ໃນດ້ານຂໍ້ມູນຈາກສະມາຄົມອາຫານຫວຽດນາມລະບຸວ່າ ໃນປີ 2019 ຫວຽດນາມໄດ້ສົ່ງອອກເຂົ້າ 6.3 ລ້ານໂຕນ ສ້າງລາຍຮັບ 2.8 ຕື້ໂດລາສະຫະລັດ ແລະ ຄາດວ່າປະຕິມານການສົ່ງອອກໃນປີ 2020 ຈະສູງເຖິງ 6.7 ລ້ານໂຕນ.

HTML tutorial