ໄຟໄໝ້ເຮືອຮົບ ສ.ອາເມຣິກາ ເຂົ້າສູ່ມື້ທີ 3 ແປວໄຟຍັງບໍ່ມອດ, ມີລາຍງານນ້ຳມັນໃນເຮືອ 4 ລ້ານລິດ

ລາຍງານ 15 ກໍລະກົດ 2020, ນັບຕັ້ງແຕ່ທີ່ກອງທັບເຮືອ ສ.ອາເມຣິກາ ລາຍງາຍວ່າເກີດເຫດໄຟໄໝ້ເຮືອຮົບ USS Bonhomme Richard ເຊິ່ງເປັນເຮືອໂຈມຕີສະເທືອນນ້ຳສະເທືອນບົກ ເມື່ອຕອນເຊົ້າວັນອາທິດ (12 ກໍລະກົດ) ທີ່ຜ່ານມາ ໂດຍເຮືອລຳດັ່ງກ່າວຈອດຢູ່ທຽບທ່າທີ່ຖານທັບເຮືອໃນເມືອງຊານດິເອໂອ ລັດຄາລິຟໍເນຍ ເພື່ອບຳລຸງຮັກສາຕາມກຳນົດການ.

ພາບ: USS Bonhomme Richard (LHD 6) at Naval Base San Diego

ເຖິງຢ່າງໃດກໍ່ຕາມ ເມື່ອວັນທີອັງຄານ (14 ກໍລະກົດ) ທີ່ຜ່ານມາ ລູກເຮືອຫຼາຍຮ້ອຍຄົນ ແລະ ເຈົ້າໜ້າທີ່ດັບເພີງຍັງໄດ້ລະດົມກຳລັງຄວບຄຸມເພີງຢູ່ເທິງເຮືອ ຖືເປັນມື້ທີ 3 ຕິດຕໍ່ກັນ, ເຮລິຄັອບແຕຫຼາຍລຳໄດ້ລະດົມຂົນນ້ຳລົງໃສ່ດັບໄຟກວ່າ 1,000 ຖັງ ເຊິ່ງເປັນການລະບາຍຄວາມຮ້ອນໃຫ້ດາດຟ້າເຮືອ ເຮັດໃຫ້ທີມດັບເພີງສາມາດຂຶ້ນເຮືອໄປດັບໄຟສ່ວນໃນໄດ້.

ທາງການ ສ.ອາເມຣິກາ ກ່າວວ່າມີຜູ້ໄດ້ຮັບບາດເຈັບລວມ 61 ຄົນ, ເຊິ່ງຂະນະເກີດເຫດນັ້ນຢູ່ເທິງເຮືອມີລູກເຮືອປະມານ 160 ຄົນ ພ້ອມທັງມີລາຍງານວ່າມີນ້ຳມັນ 4 ລ້ານລິດຢູ່ໃນເຮືອລຳດັ່ງກ່າວ, ຂະນະທີ່ສາເຫດຍັງຢູ່ໃນຂັ້ນຕອນການສືບສວນສອບສວນຂອງໜ່ວຍງານທີ່ກ່ຽວຂ້ອງ.

ພາບ: USS Bonhomme Richard (LHD 6) at Naval Base San Diego