ຈີນສົ່ງຍານ “ຄຳຖາມສູ່ສວງສະຫວັນ” ອອກເດີນທາງສຳຫຼວດດາວອັງຄານ

ລາຍງານ 23 ກໍລະກົດ 2020, ຈະຫຼວດ Long March-5 ຂອງອົງການອະວະກາດແຫ່ງຊາດຈີນ (CNSA) ລອຍຂຶ້ນຈາກຖານປ່ອຍຈະຫຼວດ ທີ່ສູນອະວະກາດເມືອງເຫວິນສາງ ເກາະໄຫຫຼຳ ນອກຝັ່ງທາງພາກໃຕ້ຂອງຈີນ ເມື່ອວເວລາ 12:41 ໂມງ ຕາມເວລາທ້ອງຖິ່ນຂອງວັນພະຫັດນີ້ ເພື່ອສົ່ງຍານສຳຫຼວດ Tianwen-1 ເດີນທາງໄປສຳຫຼວດດາວອັງຄານ.

ອົງການອະວະກາດແຫ່ງຊາດຈີນລາຍງານກ່າວວ່າ ປະມານ 36 ນາທີຕໍ່ມາ ຍານອະວະກາດທີ່ປະກອບດ້ວຍຍານໂຄຈອນ ແລະ ຍານສຳຫຼວດ ຖືກສົ່ງເຂົ້າວົງໂຄຈອນຍ້າຍ (Transter Orbit) ລະຫວ່າງໂລກ-ດາວອັງຄານ ຖືເປັນຈຸດເລີ່ມຕົ້ນຂອງການເດີນທາງທີ່ຍາວນານ 7 ເດືອນສູ່ດາວອັງຄານ.

ພາລະກິດສຳຫຼວດດາວອັງຄານຄັ້ງນີ້ ຖືເປັນພາລະກິດຄັ້ງທຳອິດຂອງຈີນ ທີ່ໃຊ້ຊື່ຍານສຳຫຼວດວ່າ Tianwen-1 ມີຄວາມໝາຍວ່າ “ຄຳຖາມສູ່ສວງສະຫວັນ” ຕັ້ງຕາມບົດກະວິ ທີ່ປະພັນໂດຍ ຊວີຫຍວນ (ປະມານ 340-278 ກ່ອນ ຄ.ສ) ໜຶ່ງໃນກະວີຜູ້ຍິ່ງໃຫຍ່ທີ່ສຸດໃນຍຸກຈີນບູຮານ.

ອົງການອະວະກາດແຫ່ງຊາດຈີນເຊື່ອວ່າ ຊື່ນີ້ສະແດງເຖິງຄວາມພຽນພະຍາຍາມຂອງຈີນ ໃນການສະແຫວງຫາຄວາມຈິງ ແລະ ວິທະຍາສາດ ຕະຫຼອດຮອດທຳມະຊາດ ແລະ ຈັກກະວານ.

HTML tutorial