ຈີນເອົາຄືນສັ່ງໃຫ້ ສ.ອາເມຣິກາ ປິດສະຖານກົງສູນໃຫຍ່ປະຈຳເສິງຕູ ຈຸດຍຸດທະສາດຕາເວັນຕົກ

ລາຍງານ 25 ກໍລະກົດ 2020, ກະຊວງການຕ່າງປະເທດຈີນ ອອກຖະແຫຼງການເມື່ອວັນສຸກ (24 ກໍລະກົດ) ທີ່ຜ່ານມາ ມີເນື້ອໃນວ່າ ເນື່ອງຈາກມາດຕະມາດທີ່ອັນບໍ່ມີເຫດຜົນຂອງ ສ.ອາເມຣິກາ ຈຶ່ງສົ່ງຜົນໃຫ້ລັດຖະບານຈີນ ມີຄວາມຈຳເປັນຕ້ອງດຳເນີນການຕອບໂຕ້ ດ້ວຍເຫດນີ້ລັດຖະບານ ສ.ອາເມຣິກາ ຕ້ອງຍຸຕິພາລະກິດການທູດທັງໝົດທີ່ສະຖານກົງສູນໃຫຍ່ ປະຈຳເມືອງເສິງຕູ ມົນທົນເສສວນ ເຖິງແມ່ນວ່າບໍ່ມີການເປີດເຜີຍເຖິງລາຍລະອຽດເພີ່ມເຕີມວ່າໃຫ້ເວລາເຖິງເມື່ອໃດ ແຕ່ໄດ້ລະບຸວ່າໄດ້ແຈ້ງໃຫ້ ສ.ອາເມຣິກາ ຮັບຊາບແລ້ວ.

ການເຄື່ອນໄຫວດັ່ງກ່າວຂອງຈີນ ເກີດຂຶ້ນພາຍຫຼັງທີ່ກະຊວງການຕ່າງປະເທດ ສ.ອາເມຣິກາ ອອກຖະແຫຼງວການເມື່ອວັນອັງຄານ (21 ກໍລະກົດ) ທີ່ຜ່ານມາ ວ່າລັດຖະບານຈີນຕ້ອງປິດສະຖານກົງສູນໃຫຍ່ ທີ່ເມືອວຮິວສະຕັນ ໃນລັດເທັກຊັສ ພາຍໃນ 72 ຊົ່ວໂມງ ຄືວັນສຸກ (24 ກໍລະກົດ) ທີ່ຜ່ານມາ ຕາມເວລາທ້ອງຖິ່ນ ເພື່ອປົກປ້ອງສິດທິ ແລະ ຄວາມເປັນສ່ວນບຸກຄົນຂອງພົນລະເມືອງອາເມຣິກາ ໂດຍສະເພາະອັນທີ່ກ່ຽວຂ້ອງກັບຊັບສິນທາງປັນຍາຂອງໜ່ວຍງານທັງພາກລັດ ແລະເອກະຊົນໃນປະເທດ ທີ່ຕົກເປັນເຫຍື່ອຈາກການກໍ່ອາຊະຍາກຳທາງໄຊເບີໂດຍແຮັກເກີຈີນ.

ສະຖານກົງສູນໃຫຍ່ ສ.ອາເມຣິກາ ທີ່ເມືອງເສິງຕູ ເປີດດຳເນີນການມາຕັ້ງແຕ່ປີ 1985 ໂດຍຕຳແໜ່ງທີ່ຕັ້ງຖືເປັນຈຸດຍຸດທະສາດ ໃນພູມມິພາກຕາເວັນຕົກສຽງໃຕ້ຂອງຈີນ ຈາກການມີຂອບເຂດດຳເນີນງານຄວບຄຸມມົນທົນສຳຄັນໃນແຖບນັ້ນທັງໝົດ ບໍ່ວ່າຈະເປັນເສວນ, ຢູນານ ແລະ ກຸຍໂຈວ ຕະຫຼອດຮອດນະຄອນສົງຊິ້ງ ແລະ ເຂດປົກຄອງຕົນເອງຕິເບດ.