ຂະບວນເຍົາວະຊົນປົດແອກປະເທດໄທ ລຸກຮືແຜ່ລາມໄປຫຼາຍເຂດໃນທົ່ວປະເທດ

ລາຍງານ 28 ກໍລະກົດ 2020, ໄດ້ມີຂະບວນໂຮມຊຸມນຸມຂອງນັກຮຽນ-ນັກສຶກສາເກີດຂຶ້ນຫຼາຍແຫ່ງທົ່ວປະເທດໄທ ຫຼາຍກວ່າ 20 ຄັ້ງ ນັບຕັ້ງແຕ່ອາທິດທີ່ຜ່ານມາ ພາຍໃຕ້ຊື່ ຂະບວນເຍົາວະຊົນປົດແອກ ທີ່ເກີດຂຶ້ນທັງໃນນະຄອນຫຼວງບາງກອກ, ອຸບົນ, ສະກົນນະຄອນ, ຂອນແກ່ນ, ໂຄຣາດ, ຊຽງໃໝ່, ປັດຕານີ, ພູເກັດ, ລຳປາງ, ສົງຂາ, ປະທຸມທານີ, ຊົນບຸລີ ແລະ ສາຣະຄາມ ເປັນຕົ້ນ.

ເຊິ່ງຂໍ້ຮຽກຮ້ອງສ່ວນໃຫຍ່ແມ່ນໄດ້ໃນທິດທາງດ່ຽວກັນຄື: ຢຸດຄຸກຄາມປະຊາຊົນ, ຢຸດຈັບກຸມ-ບັງຄັບຕັ້ງຂໍ້ຫາ, ຢຸດປະກາດພາວະສຸກເສີນ ໃຫ້ກັບມາໃຊ້ກົດໝາຍປົກກະຕິ, ແກ້ໄຂ ຫຼື ຮ່າງລັດຖະທຳມະນູນໃໝ່ ແລະ ຍຸບສະພາຄືນອຳນາດໃຫ້ປະຊາຊົນ.