ນ້ຳຖ້ວມຈັງຫວັດເລີຍຢ່າງກະທັນຫັນ ຈາກອິດທິພົນຂອງພາຍຸຊິນລາກູ

ລາຍງານ 2 ສິງຫາ 2020, ນ້ຳປ່າຈາກພູເຂົາແກ້ວ ໄດ້ໄຫຼເຂົ້າຖ້ວມບ້ານເຮືອນປະຊາຊົນຫຼາຍກວ່າ 100 ຫຼັງຄາເຮືອນ ທີ່ບ້ານສູບ, ຕຳບົນນ້ຳສວຍ, ອຳເພີເມືອງເລີຍ, ຈັງຫວັດເລີຍ ປະເທດໄທ, ຂະນະທີ່ລະດັບນ້ຳກໍ່ຍັງເພີ່ມຂຶ້ນເລື້ອຍໆ ແລະ ຫຼ້າສຸດມີລາຍງານວ່າຝ່າຍກັ້ນນ້ຳສວຍໄດ້ຂາດລົງແລ້ວ, ທັງນີ້ກໍ່ດ້ວຍອິດທິພົນຂອງພາຍຸຊິນລາກູ ທີ່ກຳລັງພັດຂຶ້ນຝັ່ງ ສສ.ຫວຽດນາມ ແລະ ພາດຜ່ານ ສປປ.ລາວ ແລະ ໄທ.

ພາບ: ນ້ຳຖ້ວມບ້ານສູບ, ຕຳບົນນ້ຳສວຍ, ອຳເພີເມືອງເລີຍ, ຈັງຫວັດເລີຍ ປະເທດໄທ, 2 ສິງຫາ 2020.

ພາບ: ນ້ຳຖ້ວມບ້ານສູບ, ຕຳບົນນ້ຳສວຍ, ອຳເພີເມືອງເລີຍ, ຈັງຫວັດເລີຍ ປະເທດໄທ, 2 ສິງຫາ 2020.

ພາບ: ແຜນຄາດຄະເນເສັ້ນທາງພາຍຸຊິນລາກູ, ອັບເດດ 04:00 ໂມງ, 2 ສິງຫາ 2020.

ໃນດ້ານຂອງກົມອຸຕຸນິຍົມ ແລະ ອຸທົກກະສາດຂອງລາວ ກໍ່ໄດ້ເຕືອນໃຫ້ປະຊາຊົນໃນຂອບເຂດທົ່ວປະເທດ ລະວັງໄພນ້ຳຖ້ວມຊຸກະທັນຫັນ, ນ້ຳຖ້ວມອັ່ງ ແລະ ດິນເຈື່ອນ ໃນໄລຍະນີ້ເຖິງວັນທີ 4 ສິງຫາ 2020.