WHO ເຕືອນວ່າ ຍັງບໍ່ມີສິ່ງໃດສາມາດປາບໂຄວິດໄດ້, ຫົນທາງສູ່ສະພາບປົກກະຕິຍັງອີກຍາວໄກ

ລາຍງານ 3 ສິງຫາ 2020, ສະຖານະການການແຜ່ລະບາດຂອງພະຍາດໂຄວິດ-19 ໃນທົ່ວໂລກ ມີຜູ້ຕິດເຊື້ອສະສົມແລ້ວກວ່າ 18.14 ລ້ານຄົນ ແລະ ເສຍຊີວິດແລ້ວ 688,080 ຄົນ, ທ່ານ ເທດຼອສ ແອດນາຮອມ ເກເບຼເຢຊຸສ ຜູ້ອຳນວຍການອົງການອະນາໄມໂລກ ແລະ ທ່ານ ໄມ ໄຣອັນ ຫົວໜ້າຝ່າຍສະຖານະການສຸກເສີນຖະແຫຼງທີ່ນະຄອນເຈນີວາ ປະເທດສະວິດວ່າ  ອົງການອະນາໄມໂລກຂໍແນະນຳໃຫ້ທຸກປະເທດຍຶດໝັ້ນຕໍ່ມາດຕະການດ້ານສາທາລະນະສຸກຢ່າງເຂັ້ມງວດ ເຊັ່ນການໃຫ້ຜ້າອັດປາກອະນາໄມ, ການຮັກສາໄລຍະຫ່າງທາງສັງຄົມ, ການລ້າງມື້ຢູ່ເລື້ອຍໆ ແລະ ການກວດຄັດກອງຫາເຊື້ອ ນີ້ເປັນການສື່ສານໃຫ້ປະຕິບັດຢ່າງເຄັ່ງຄັດ ແລະ ການໃສ່ຜ້າອັດປາກອະນາໄມຄວນເປັນສັນຍາລັກ ເພື່ອສະແດງເຖິງຄວາມເປັນອັນໜຶ່ງອັນດຽວກັນທົ່ວໂລກ.

ສ່ວນເລື່ອງວັກແຊັງ ເຖິງຈະຢູ່ໃນໄລຍະສາມຂອງການທົດລອງ ແລະ ຫວັງວ່າຈະໄດ້ວັກແຊັກຢ່າງມີປະຕິດທິພາບ ເພື່ອຊ່ວຍປ້ອງກັນຄົນຈາກການຕິດເຊື້ອ, ເຖິງຢ່າງໃດກໍ່ຕາມ ຂະນະນີ້ຍັງບໍ່ມີສິ່ງໃດທີ່ໃຊ້ສຳລັບປາບປາມໄວຣັສຊະນິດນີ້ ແລະ ບໍ່ເຄີຍມີ, ຂະນະດຽວກັນການຕິດເຊື້ອເພີ່ມຂຶ້ນໃນບາງປະເທດເຊັ່ນ ບຣາຊິນ ແລະ ອິນເດຍຄວນຈະຕ້ອງກຽມຕົວເພື່ອຮັບມື້ຄັ້ງໃຫຍ່ ສ່ວນຫົນທາງທີ່ຈະກັບຄືນສູ່ສະພາວະປົກກະຕິຍັງອີກຍາວໄກ.

ຂະນະດຽວກັນທີ່ ນະຄອນຫຼວງເຕຫະຣານ ປະເທດອີຣານ ໂຄສົກກະຊວງສາທາລະນະສຸກຖະແຫຼງວ່າ ໃນໄລຍະ 24 ຊົ່ວໂມງຜ່ານມາ ພົບຜູ້ເສຍຊີວິດເພີ່ມຂຶ້ນ 215 ຄົນ ເຮັດໃຫ້ຕົວເລກຜູ້ເສຍຊີວິດທັງໝົດເພີ່ມເປັນ 17,405 ຄົນໃນປະເທດອີຣານ, ສ່ວນຜູ້ຕິດເຊື້ອເພີ່ມອີກ 2,598 ຄົນ ລວມມີຜູ້ຕິດເຊື້ອສະສົມແລ້ວ 312,035 ຄົນ ຜູ້ເສຍຊີວິດຈາກໂຄວິດ-19 ພົບວ່າຈະມີຜູ້ເສຍຊີວິດ 1 ຄົນໃນທຸກໆ 7 ນາທີທີ່ປະເທດອີຣານ.

HTML tutorial