ປ.ປູຕິນ ປະກາດລັດເຊຍສຳເລັດຜົນມີວັກແຊັງປ້ອງກັນໂຄວິດ ເປັນປະເທດທຳອິດຂອງໂລກ

ລາຍງານ 11 ສິງຫາ 2020, ທ່ານ ວະລາດິເມຍ ປູຕິນ ປະທານປະເທດລັດເຊຍ ກ່າວໃນກອງປະຸຊມຄະນະລັດຖິມົນຕີວ່າ ວັກແຊັງປ້ອງກັນພະຍາດໂຄວິດ-19 ໄດ້ຜ່ານການທົດລອງຢ່າງຖືກຕ້ອງ ແລະ ພິສູດໄດ້ແລ້ວ່າປອດໄພແທ້ ທີ່ສຳຄັນທີ່ສຸດໃນຂະນະນີ້ຄື ມີສິ່ງຄ້ຳປະກັນຄວາມປອດໄພ ແລະ ພ້ອມໃຊ້ງານຢ່າງມີປະສິດທິພາບ ຈຶ່ງຖືໄດ້ວ່າເປັນປະເທດທຳອິດທີ່ຈົດທະບຽນວັກແຊັງປ້ອງກັນພະຍາດໂຄວິດ-19.

ພາບ: ທ່ານ ວະລາດິເມຍ ປູຕິນ ປະທານປະເທດລັດເຊຍ ປະຊຸມຮ່ວມກັບຄະນະລັດຄະມົນຕີ

ທ່ານ ປູຕິນ ກ່າວອີກວ່າໜຶ່ງໃນລູກສາວຂອງຕົນ ໄດ້ທົດລອງສັກວັກແຊັງໄປແລ້ວສອງເຂັມ ແລະ ອາການປົກກະຕິ ໂດຍມື້ທຳອິດອຸນຫະພູມຮ່າງກາຍຂຶ້ນ 38 ອົງສາເຊພາຍຫຼັງສັກແວັກຊັງ ແຕ່ໃນມື້ເຊົ້າຕໍ່ມາອຸນຫະພູມໄດ້ຫຼຸດລົງມາເຫຼືອ 37 ອົງສາເຊ ຈາກນັ້ນໃນການສັກວັກແຊັງເຂັມທີສອງ ລາວກໍ່ມີອຸນຫະພູມຮ່າງກາຍສູງຂຶ້ນອີກຄັ້ງ ແລະ ຫຼຸດລົງ ຕອນນີ້ຮ່າງກາຍແຂງແຮງດີ ພົບມີພູມຕ້ານທານຫຼາຍໃນຮ່າງກາຍ.

ກ່ອນໜ້ານີ້ທາງການລັດເຊຍແຈ້ງວ່າ ບຸກຄະລາກອນທາງການແພດ, ຄູອາຈານ ແລະ ກຸ່ມສ່ຽງຈະເປັນກຸ່ມທຳອິດທີ່ໄດ້ຮັບການສັກວັກແຊັງທົດລອງ ເຊິ່ງເປັນໄປໂດຍສະໝັກໃຈ ສ່ວນການສັກວັກແຊັງກຸ່ມໃຫຍ່ໃຫ້ກັບປະຊາຊົນນັ້ນຈະເລີ່ມໃນເດືອນກັຍານີ້ ແລະ ສັກວັກແຊັງໃຫ້ຄົນຈຳນວນຫຼາຍໃນເດືອນຕຸລານີ້.

HTML tutorial