ສ.ອາເມຣິກາ ວ່າອີຣານຍຶດເຮືອບັນທຸກນ້ຳມັນລີເບເຣຍ ໃນຊ່ອງແຄບຮໍມຸສ

ລາຍງານ 13​ ສິງຫາ 2020, ສູນບັນຊາການກາງ ສ.ອາເມຣິກາ ອອກຖະແຫຼງການເມື່ອວັນພຸດ ທີ່ຜ່ານມາ ວ່າກອງກຳລັງຂອງອີຣານ ພ້ອມເຮືອ 3 ລຳ ແລະ ເຮລິຄອບແຕ Sea King ທຳການຍຶດເຮືອບັນທຸກນ້ຳມັນ ແລະ ສານເຄມີ ຊື່ວ່າ Wila ໃນເຂດນ່ານນຳສາກົນຂອງຊ່ອງແຄບຮໍມຸສ ແລະ ມີການສົ່ງເຈົ້າໜ້າທີ່ຂຶ້ນໄປເທິງເຮືອ.

ເຖິງແມ່ນວ່າລາຍງານຂອງສູນບັນຊາການກາງ ສ.ອາເມຣິກາ ບໍ່ໄດ້ລະບຸຊັດເຈນວ່າ ກອງກຳລັງຂອງອີຣານໝາຍເຖິງໜ່ວຍງານໃດ ແຕ່ຕາມເນື້ອໃນຈິດໃຈແລ້ວອາດຈະເປັນກອງທັບປະຕິວັດອີຣານ ເຊິ່ງເຮືອ Wila ແມ່ນຕິດທຸງຊາດບີເບເຣຍ ຢູ່ລະຫວ່າງການເດີນທາງຈາກເມືອງອັນ-ຮຳຣິເຢາະ ຂອງສະຫະນະຄອນ ເອເມຣັດ ອາຣັບ ໄປຍັງທ່າເຮືອອີກແຫ່ງໜຶ່ງຂອງປະເທດ ເຊິ່ງຕັ້ງຢູ່ເມືອງຄໍ ຟາກກັນ ແຄມອ່າວໂອມານ ແຕ່ຖືກເຈົ້າໜ້າທີ່ຂອງອີຣານຍຶດໄວ້ປະມານ 5 ຊົ່ວໂມງ ລະຫວ່າງທີ່ເຮືອກຳລັງເດີນທາງຜ່ານ່ານນ້ຳສາກົນ ກ່ອນປ່ອຍໃຫ້ເຮືອເດີນທາງຕໍ່ໄປ.

ເຖິງຢ່າງໃດກໍ່ຕາມ ກອງທັບ ສ.ອາເມຣິກາຢືນຢັນວ່າ ບໍ່ມີບົດບາດໃນທາງໃດກັບເຫດການທີ່ເກີດຂຶ້ນ ສ່ວນລັດຖະບານອີຣານຍັງບໍ່ມີປະຕິກິລິຍາຢ່າງເປັນທາງການ ເຊັ່ນດຽວກັບລັດຖະບານສະຫະນະຄອນ ເອເມຣັດ ອາຣັບ.

HTML tutorial