ເຈົ້າໜ້າທີ່ມາເລເຊຍຍິງປະມົງຫວຽດນາມ ທີ່ລ່ວງລ້ຳນ່ານນ້ຳທະເລເສຍຊີວິດ 1 ຄົນ

ລາຍງານ 18 ສິງຫາ 2020, ສຳນັກງານບັງຄັບໃຊ້ກົດໝາຍທາງທະເລຂອງມາເລເຊຍ (MMEA) ອອກຖະແຫຼງການເມື່ອວັນຈັນ (17 ສິງຫາ) ທີ່ຜ່ານມາ ເລື່ອງການປະເຊີນໜ້າລະຫວ່າງເຮືອກວດກາຂອງ MMEA ກັບເຮືອປະມົງຫວຽດນາມ ທີ່ມີລູກເຮືອ 20 ຄົນ ໂດຍເຈົ້າໜ້າທີ່ສະແດງຕົວຂໍກວດເຮືອຂອງອີກຝ່າຍ ທີ່ລະເມີດນ່ານນ້ຳຂອງມາເລເຊຍ ນອກຝັ່ງລັດກະລັນຕັນ ທາງພາກຕາເວັນອອກສຽງເໜືອຂອງປະເທດ.

ເຖິງຢ່າງໃດກໍ່ຕາມ, ລາຍງານຂອງ MMEA ລະບຸວ່າ ລູກເຮືອຂອງຫວຽດນາມຂັດຂືນ ແລະ ຍັງມີພຶດຕິກຳຄຸກຄຸມເຈົ້າໜ້າທີ່ຂອງມາເລເຊຍ ທັງດຶກແກວ່ງຂອງແຂງ, ວັດຖຸໄວໄຟ ແລະ ພະຍາຍາມຂັບເຮືອເຂົ້າມາດາດ ເຈົ້າໜ້າທີ່ຈຶ່ງຕັດສິນໃຈຍິງປືນອອກໄປເພື່ອປ້ອງກັນຕົນເອງ ສົ່ງຜົນໃຫ້ລູກເຮືອຫວຽດນາມໄດ້ຮັບບາດເຈັບສາຫັດ 1 ຄົນ ແລະ ເສຍຊີວິດໃນເວລາຕໍ່ມາ ສ່ວນອີກ 19 ຄົນຖືກຄວບຄຸມຕົວທັງໝົດ.

ເຊິ່ງ MMEA ແລະ ກະຊວງການຕ່າງປະເທດມາເລເຊຍ ສະແດງຄວາມເສຍໃຈຕໍ່ເຫດການດັ່ງກ່າວ ແຕ່ກ່າວຢ້ຳວ່າປະຕິບັດການຂອງເຈົ້າໜ້າທີ່ ໂດຍສະເພາະການໃຊ້ອາວຸດປືນນັ້ນ ເປັນໄປຕາມກົດໝາຍທຸກປະການ, ໃນດ້ານຂອງກະຊວງການຕ່າງປະເທດຫວຽດນາມ ອອກຖະແຫຼງການພຽງວ່າ ຮັບຊາບ ແລະ ຕິດຕາມເລື່ອງທີ່ຕິດຂຶ້ນຢ່າງໃກ້ຊິດ ແລະ ກຳລັງປະສານງານກັບລັດຖະບານມາເລເຊຍ.

HTML tutorial