ກອງທັບເກົາຫຼີໃຕ້-ສ.ອາເມຣິກາ ເປີດສາກຊ້ອມຮົບຮ່ວມປະຈຳປີ 2020

ລາຍງານ 18 ສິງຫາ 2020, ການຊ້ອມຮົບຮ່ວມລະຫວ່າງກອງທັບ ສ.ອາເມຣິກາ-ເກົາຫຼີໃຕ້ ປະຈຳປີ 2020 ເລີ່ມເປີດສາກຂຶ້ນທ່າມກາງຄວາມເຄັ່ງຕຶງ ທີ່ຍັງຢູ່ໃນລະດັບສູງລະຫວ່າງເກົາຫຼີໃຕ້-ເກົາຫຼີເໜືອ ພາຍຫຼັງທີ່ເກົາຫຼີເໜືອລະເບີດສູນປະສານງານຮ່ວມສອງເກົາຫຼີ ໃນເມືອງແກຊອງ ຝັ່ງເກົາຫຼີເໜືອ ເມື່ອເດືອນມິຖຸນາ ທີ່ຜ່ານມາ ແລະ ຂູ່ຈະໃຊ້ມາດຕະການທາງທະຫານ.

ເກົາຫຼີເໜືອ ທີ່ບຸກເກົາຫຼີໃຕ້ເມື່ອປີ 1950 ຈົນເຮັດໃຫ້ເກີດສົງຄາມເກົາຫຼີ ສະແດງຄວາມບໍ່ພໍໃຈທຸກຄັ້ງຕໍ່ການຊ້ອມຮົບຮ່ວມຂອງກອງທັບ ສ.ອາເມຣິກາ ແລະ ກອງທັບເກົາຫຼີໃຕ້ ໂດຍລະບຸວ່າເປັນການຊ້ອມຮົບກຽມຮຸກຮານເກົາຫຼີເໜືອ.

ການຊ້ອມຮົບຈະຈັດຂຶ້ນໄປຈົນເຖິງວັນທີ 28 ສິງຫານີ້ ຫຼັງຈາກທີ່ຖືກເລື່ອນຈາກກຳນົດການເດີມຄືວັນທີ 16 ສິງຫາ ເນື່ອງຈາກການລະບາດຮຸນແຮງຄັ້ງໃໝ່ຂອງໂຄວິດ-19 ໃນເກົາຫຼີໃຕ້.

HTML tutorial