ໄຊຊະນະ ພໍ່ຄ້າຢາເສບຕິດຂ້າມຊາດສັນຊາດລາວ ຫຼຸດຈາກໂທດປະຫານຊີວິດ

ລາຍງານ 20 ສິງຫາ 2020, ສານອາຍາ ຖະໝົນຣັດຊະດາພິເສກ ປະເທດໄທ ອ່ານຄຳຕັດສິດສານອຸທອນ ທີ່ໄອຍະການຄະດີຢາເສບຕິດ 10 ເປັນໂຈດຍື່ນຟ້ອງທ້າວ ໄຊຊະນະ ແກ້ວພິມພາ ຫົວໜ້າຜູ້ຄ້າຢາເສບຕິດຂ້າມຊາດໃນພູມມິພາກອາຊຽນ ສັນຊາດລາວ, ທ້າວ ຊຸມພອນ ພະນົມໄພຣ ແລະ ທ້າວ ກິມເລ້ງ ຣັດຊະພົນພະກອນ ເປັນຈຳເລີຍທີ 1-3 ຖານຮ່ວມກັນສົມຄົບກັນຄ້າຢາເສບຕິດ.

ໄອຍະການຍື່ນຟ້ອງລະບຸພຶດຕິກຳວ່າ ລະຫວ່າງວັນທີ 24 ກໍລະກົດ – 16 ກັນຍາ 2015 ຈຳເລີຍທີ 1-2 ກັບພວກອີກຫຼາຍຄົນທີ່ຍັງບໍ່ໄດ້ໂຕມາຍື່ນຟ້ອງ ສົມຄົບກັນຕັ້ງແຕ່ 2 ຄົນຂຶ້ນໄປ ໂດຍແບ່ງໜ້າທີ່ກັນເຮັດເປັນຂະບວນການຄ້າຢາເສບຕິດ ໂດຍຈຳເລີຍທີ 1 ກັບພວກທີ່ຢູ່ ສປປ.ລາວ ຮ່ວມກັນຈັດຫາຢາບ້າ ແລະ ຈັດຫາເງິນເພື່ອເປັນຄ່າໃຊ້ຈ່າຍໃນການລັກລອບສົ່ງລຳລຽງຢາເສບຕິດ ແລະ ຈັດຫາລົດສຳລັບຊຸກເຊື່ອງຢາເສບຕິດຈຳນວນ 2,381,400 ເມັດ ໄປສົ່ງໃຫ້ກັບເຄືອຂ່າຍທາງພາກໃຕ້ຂອງໄທ ແລະ ມາເລເຊຍ ແລະ ໃນລະຫວ່າງວັນທີ 17-22 ສິງຫາ 2016 ຈຳເລີຍທັງສອງ ຍັງຮ່ວມກັນລັກລອບສົ່ງຢາບ້າອີກຈຳນວນ 1 ລ້ານເມັດ ສົ່ງໃຫ້ເຄືອຂ່າຍທາງພາກໃຕ້ ໂດຍຕິດຕໍ່ທ້າວ ໄຊນຸເດັງ ມະ ທີ່ປະເທດມາເລເຊຍ ເຊິ່ງຈຳເລີຍທີ 3 ໄດ້ເຮັດໜ້າທີ່ທຸລະກຳການເງິນຮັບໂອນເງິນຄ່າຢາເສບຕິດ ຈາກທ້າວ ໄຊນຸເດັງ ຫຼາຍຄັ້ງ ຈຳນວນ 144 ​ລ້ານບາດ ໄປສົ່ງມອບໃຫ້ໝູ່ຂອງຈຳເລີຍທີ 1 ທີ່ ສປປ.ລາວ ອັນເປັນການກະທຳ ເພື່ອອຳນວຍຄວາມສະດວກໃນການກະທຳຜິດກ່ຽວກັບຢາເສບຕິດ ເຊິ່ງຕໍ່ມາເຈົ້າໜ້າທີ່ສາມາດຕິດຕາມຈັບກຸມພວກຈຳເລີຍໄດ້ພ້ອມຂອງກາງຫຼາຍລາຍການທັງຢາເສບຕິດ, ລົດກະບະທີ່ໃຊ້ກະທຳຜິດ, ໂທລະສັບມືຖື ເຫດເກີດທີ່ ສປປ.ລາວ, ຈັງຫວັດນະຄອນພະນົມ, ອຸດອນທານີ, ສົງຂາ ແລະ ອີກຫຼາຍເຂດທີ່ພົວພັນກັນ.

ໃນຊັ້ນພິຈາລະນາຈຳເລີຍໃຫ້ການປະຕິເສດ ຈຳເລີຍທີ 1-2 ບໍ່ໄດ້ຮັບການປະກັນຕົວ ໂດຍຖືກກັກຂັງທີ່ສູນບຳບັດພິເສດກາງ, ສ່ວນຈຳເລີຍທີ 3 ໄດ້ຮັບການປ່ອຍຕົວ ພາຍຫຼັງທີ່ສານຊັ້ນຕົ້ນໃຫ້ຍົກຟ້ອງ ເຊິ່ງໃນວັນພະຫັດນີ້ ສານໄດ້ນຳຈຳເລີຍທັງ 3 ມາຟັງຄຳຕັດສິນ.

ຄະນະນີສານຊັ້ນຕົ້ນຕັດສິນໄປແລ້ວເມື່ອວັນທີ 26 ກັນຍາ 2018 ໃຫ້ປະຫານຊີວິດທ້າວ ໄຊຊະນະ ແລະ ທ້າວ ຊຸມພອນ ຈຳເລີຍທີ 1-2 ແຕ່ຄຳໃຫ້ການຂອງທັງສອງເປັນປະໂຫຍດຕໍ່ການພິຈາລະນາຄະດີ ຫຼຸດໂທດໃຫ້ 1 ໃນ 3 ເຫຼືອຕັດອິດສະຫຼະພາບຕະຫຼອດຊີວິດ ແລະ ໃຫ້ນັບໂທດທ້າວ ໄຊຊະນະ ຕໍ່ຈາກຄະດີຢາບ້າຄະດີທຳອິດຈຳນວນ 1.2 ລ້ານເມັດ ທີ່ສານຕັດສິນໃຫ້ຕັດອິດສະຫຼະພາບຕະຫຼອດຊີວິດໄປແລ້ວພ້ອມ, ສ່ວນຈຳເລີຍທີ 3 ທ້າວ ລັດຊະພົນ ແມ່ນຍົກຟ້ອງ ຕໍ່ມາໄອຍະການໂຈດຈຳເລີຍທີ 1-2 ໄດ້ຍື່ນອຸທອນ.

ສານອຸທອນກວດສຳນວນປຶກສາກັນແລ້ວຕັດສິນວ່າ ທ້າວ ໄຊຊະນະ ຈຳເລີຍທີ 1 ມີຄວາມຜິດຖານສົມຄົບກັນຄ້າຢາເສບຕິດເພີ່ມອີກ 1 ຖານຄວາມຜິດ ແຕ່ຍັງໃຫ້ໂທດປະຫານຊີວິດ ຄຳໃຫ້ການຈຳເລີຍທີ 1 ເປັນປະໂຫຍດການສືບສວນສອບສວນ ຫຼຸດໂທດໃຫ້ 1 ໃນ 3 ເຫຼືອຕັດອິດສະຫຼະພາບຕະຫຼອດຊີວິດ ແຕ່ຄຳໃຫ້ການໃນການສືບສວນສອບສວນຂອງທ້າວ ໄຊຊະນະ ມີປະໂຫຍດແກ່ການພິຈາລະນາ ຫຼຸດໂທດໃຫ້ 1 ໃນ 3 ໃຫ້ເຫຼືອຕັດອິດສະຫຼະພາບຕະຫຼອດຊີວິດຄືເກົ່າ, ສ່ວນຈຳເລີຍທີ 3 ຍັງໃຫ້ຕັດອິດສະຫຼະພາບຕະຫຼອດຊີວິດຕາມສານຊັ້ນຕົ້ນ, ຂະນະທີ່ຈຳເລີຍທີ 3 ພະຍານຫຼັກຖານໂຈດຍັງບໍ່ພຽງພໍທີ່ຈະຕັດສິນໂທດໄດ້ ໃຫ້ຍົກຟ້ອງ ນອກຈາກທີ່ແກ້ໃຫ້ເປັນໄປຕາມຄຳຕັດສິນຂອງສານຊັ້ນຕົນ.

HTML tutorial