ຜູ້ນຳເບລາຣຸດຊີ ສັ່ງໃຫ້ກອງທັບຢູ່ໃນທ່າກຽມພ້ອມຮັບມືກັບໄພຮຸກຮານຈາກພາຍນອກ

ລາຍງານ 23 ສິງຫາ 2020, ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ ມີຄຳສັ່ງເມື່ອວັນເສົາ (22 ສິງຫາ) ທີ່ຜ່ານມາ ຕັ້ງຄະນະສະເພາະກິດດ້ານຄວາມໝັ້ນຄົງ ພາຍໃຕ້ການຊີ້ນຳຂອງທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດ ວ່າຕໍ່ຈາກນີ້ຈົນກວ່າສະຖານະການຈະກັບມາເປັນປົກກະຕິ ກອງທັບ ແລະ ໜ່ວຍງານດ້ານຄວາມໝັ້ນຄົງໃຫ້ຢູ່ໃນມາດຕະການເຂັ້ມງວດຂັ້ນສູງສຸດ ເພື່ອປົກປ້ອງອະທິປະໄຕ ແລະ ຜືນແຜ່ນດິນອັນຄົບຖ້ວນຂອງເບລາຣຸດຊີ ໂດຍຈະບໍ່ມີການເຕືອນລ່ວງໜ້າຫາກພົບການຮຸກຮານຈາກພາຍນອກ.

ພາບ: ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ ແລະ ທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດເບລາຣຸດຊີ ຢ້ຽມຢາມອ້າຍນ້ອງທະຫານທີ່ປະຈຳການຢູ່ເມືອງກອດນາ ເບື້ອງຕາເວັນຕົກຂອງປະເທດ ທີ່ຕິດກັບໂປໂລຍ ແລະ ລິດຕົວນີ, 22 ສິງຫາ 2020.

ເຖິງແມ່ນວ່າຄຳກ່າວຫຼ້າສຸດຂອງປະທານປະເທດເບລາຣຸດຊີບໍ່ໄດ້ພາດພິງບຸກຄົນໃດຢ່າງຊັດເຈນ ແຕ່ກ່ອນໜ້ານັ້ນຜູ້ນຳເບລາຣຸດຊີກ່າວວ່າ ອົງການສົນທິສັນຍາອາກລັງຕິກເໜືອ (NATO) ເຄື່ອນຍ້າຍກຳລັງພົນ ແລະ ອາວຸດຍຸດໂທປະກອນໃນລິດຕົວນີ ແລະ ໂປໂລຍເຂົ້າໃກ້ເບລາຣຸດຊີຫຼາຍຂຶ້ນ.

ຕໍ່ມາ NATO ອອກຖະແຫຼງການວ່າເປັນຂໍ້ກ່າວຫາທີ່ບໍ່ມູນຄວາມຈິງ ແລະ NATO ບໍ່ແມ່ນໄພຮຸກຮານຕໍ່ປະເທດໃນໃນໂລກ, ໃນດ້ານຂອງທຳນຽບປະທານປະເທດໂປໂລຍ ແລະ ລິດຕົວນີເຜີຍແຜ່ຖະແຫຼງການທີ່ມີເນື້ອໃນຄ້າຍຄືກັນວ່າ ທ່ານ ອະເລັກຊານເດີ ລູຄາເຊນໂກ ພະຍາຍາມໂອນອ່ຽງຄວາມສົນໃຈຂອງປະຊາຊົນ ດ້ວຍການໃຊ້ໂຄສະນາຊວນເຊື່ອ.

ໃນອີກດ້ານໜຶ່ງ ທ່ານ ສະຕີເຟນ ບີກັນ ຮອງລັດຖະມົນຕີກະຊວງການຕ່າງປະເທດ ສ.ອາເມຣິກາ ມີກຳນົດເດີນທາງຢ້ຽມຢາມນະຄອນຫຼວງວິນນີອຸສ ໃນວັນຈັນທີ 24 ສິງຫານີ້ ເພື່ອປຶກສາຫາລືກັບລັດຖະບານລິດຕົວນີກ່ຽວກັບສະຖານະການໃນເບລາຣຸດຊີ ແລະ ທ່ານ ສະຕີເຟນ ບີກັນຍັງເປີດໂອກາດໃຫ້ທ່ານ ນາງ ເວດລານາ ຊີຄານຸສະກາຢາ ແກນນຳຝ່າຍຄ້ານຄົນສຳຄັນຂອງເບລາຣຸດຊີທີ່ຕອນນີ້ລີ້ໄພໃນລິດຕົວນີເຂົ້າພົບອີກດ້ວຍ ຫຼັງຈາກນັ້ນທ່ານ ສະຕີເຟນ ບີກັນ ຈະຢ້ຽມຢາມລັດເຊຍເປັນຈຸດໝາຍຕໍ່ໄປ.

ເຊິ່ງກ່ອນໜ້ານີ້ (21 ສິງຫາ) ທ່ານ ອະເລັກຊານເດີ ລູຄາເຊນໂກ ກ່າວວ່າ ສະຖານະການການປະທ້ວງໃນປະເທດທີ່ແກ່ຍາວມາໄດ້ 2 ອາທິດແລ້ວ ຈະຍຸຕິໃນອີກບໍ່ພໍເທົ່າໃດວັນຂ້າງໜ້າ, ຂະນະດຽວກັນ ຜູ້ນຳເບລາຣຸດຊີຍັງກ່າວວ່າ ສ.ອາເມຣິກາຢູ່ເບື້ອງຫຼັງທັງໝົດ ໂດຍສັ່ງການຜ່ານກຸ່ມປະເທດໃນເອີຣົບ ແລະ ມີການຕັ້ງສູນບັນຊາການພິເສດໃນນະຄອນຫຼວງວໍຊໍ ປະເທດໂປໂລຍ.

ພາບ: ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ  ແລະ ທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດເບລາຣຸດຊີ ຢ້ຽມຢາມອ້າຍນ້ອງທະຫານທີ່ປະຈຳການຢູ່ເມືອງກອດນາ ເບື້ອງຕາເວັນຕົກຂອງປະເທດ ທີ່ຕິດກັບໂປໂລຍ ແລະ ລິດຕົວນີ, 22 ສິງຫາ 2020.

ພາບ: ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ  ແລະ ທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດເບລາຣຸດຊີ ຢ້ຽມຢາມອ້າຍນ້ອງທະຫານທີ່ປະຈຳການຢູ່ເມືອງກອດນາ ເບື້ອງຕາເວັນຕົກຂອງປະເທດ ທີ່ຕິດກັບໂປໂລຍ ແລະ ລິດຕົວນີ, 22 ສິງຫາ 2020.

ພາບ: ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ  ແລະ ທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດເບລາຣຸດຊີ ຢ້ຽມຢາມອ້າຍນ້ອງທະຫານທີ່ປະຈຳການຢູ່ເມືອງກອດນາ ເບື້ອງຕາເວັນຕົກຂອງປະເທດ ທີ່ຕິດກັບໂປໂລຍ ແລະ ລິດຕົວນີ, 22 ສິງຫາ 2020.

ພາບ: ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ  ແລະ ທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດເບລາຣຸດຊີ ຢ້ຽມຢາມອ້າຍນ້ອງທະຫານທີ່ປະຈຳການຢູ່ເມືອງກອດນາ ເບື້ອງຕາເວັນຕົກຂອງປະເທດ ທີ່ຕິດກັບໂປໂລຍ ແລະ ລິດຕົວນີ, 22 ສິງຫາ 2020.

ພາບ: ທ່ານ ອະເລັກຊານເດີ ລູຄາເຊນໂກ ປະທານປະເທດເບລາຣຸດຊີ  ແລະ ທ່ານ ວິເຕີ ເຄຼນິນ ລັດຖະມົນຕີກະຊວງປ້ອງກັນປະເທດເບລາຣຸດຊີ ຢ້ຽມຢາມອ້າຍນ້ອງທະຫານທີ່ປະຈຳການຢູ່ເມືອງກອດນາ ເບື້ອງຕາເວັນຕົກຂອງປະເທດ ທີ່ຕິດກັບໂປໂລຍ ແລະ ລິດຕົວນີ, 22 ສິງຫາ 2020.

HTML tutorial