ກອງທັບລັດເຊຍ ແລະ ກອງທັບ ສ.ອາເມຣິກາ ປະເຊີນໜ້າກັນໃນຊີຣີ

ລາຍງານ 27 ສິງຫາ 2020, ສະພາຄວາມໝັ້ນຄົງທຳນຽບຂາວອອກຖະແຫຼງການ ເມື່ອວັນພຸດ (26 ສິງຫາ) ທີ່ຜ່ານມາ ວ່າໃນລະຫວ່າງທີ່ກອງທັບ ສ.ອາເມຣິກາ ກຳລັງປະຕິບັດພາລະກິດລາດຕະເວນຕາມປົກກະຕິໃກ້ກັບເມືອງເດຣິກ ທາງພາກຕາເວັນອອກສຽງເໜືອຂອງຊີຣີ ເມື່ອວັນທີ 25 ສິງຫາ ທີ່ຜ່ານມາ ມີການປະເຊີນໜ້າກັບຂະບວນລົດຂອງກອງທັບລັດເຊຍ.

ເຊິ່ງເຈົ້າໜ້າທີ່ຂອງທັງສອງຝ່າຍໄດ້ມີການປະຕິສຳພັນກັນ ແຕ່ໃນຈັງຫວະໜຶ່ງພາຫະນະຂອງກອງທັບລັດເຊຍ ໄດ້ແລ່ນເຂົ້າຕຳລົດເກາະ M-ATV ຂອງ ສ.ອາເມຣິກາ ສົ່ງຜົນໃຫ້ລົດໄດ້ຮັບຄວາມເສຍຫາຍ ແລະ ມີເຈົ້າໜ້າທີ່ໄດ້ຮັບບາດເຈັບ 4 ຄົນ, ຂະບວນລົດຂອງກອງທັບ ສ.ອາເມຣິກາ ຈຶ່ງເປັນຝ່າຍອອກຈາກພື້ນທີ່ເກີດເຫດ ເພື່ອຫຼຸດຜ່ອນຄວາມເຄັ່ງຕຶງຂອງສະຖານະການ ແລະ ປິດທ້າຍການຖະແຫຼງດ້ວຍການຕຳນິລັດຖະບານລັດເຊຍ ວ່າເປັນຝ່າຍລະເມີດຂໍ້ຕົກລົງຫຼຸດຜ່ອນຄວາມຮຸນແຮງໃນຊີຣີ ທີ່ລົງນາມຮ່ວມກັນເມື່ອປີທີ່ຜ່ານມາ.

ຕໍ່ມາກະຊວງປ້ອງກັນປະເທດລັດເຊຍອອກຖະແຫຼງການວ່າ ທ່ານພົນເອກ ວາເລຣີ ເກຣາຊິມັອບ ປະທານຄະນະເສນາທິການທະຫານຮ່ວມລັດເຊຍ ສົນທະນາທາງໂທລະສັບກັບທ່ານພົນເອກ ມາກ ມິວລີ ປະທານຄະນະເສນາທິການທະຫານຮ່ວມ ສ.ອາເມຣິກາ ກ່ຽວກັບເຫດການດັ່ງກ່າວແລ້ວ, ໂດຍທ່ານ ພົນເອກ ເກຣາຊິມັອບກ່າວໃນຕອນໜຶ່ງວ່າ ກອງທັບ ສ.ອາເມຣິກາ ພະຍາຍາມຂັດຂວາງພາລະກິດລາດຕະເວນຂອງກອງທັບລັດເຊຍ.

HTML tutorial