ການຂາຍ TikTok ອາດຕ້ອງໄດ້ຮັບອະນຸມັດຈາກລັດຖະບານຈີນກ່ອນ ຈຶ່ງຈະກະທຳໄດ້

ລາຍງານ 30 ສິງຫາ 2020, ກະຊວງການຄ້າຂອງຈີນ ເຜີຍແຜ່ລາຍງານເມື່ອວັນສຸກ (28 ສິງຫາ) ທີ່ຜ່ານມາ ເປັນການແກ້ໄຂລາຍຊື່ສິນຄ້າສົ່ງອອກຄວບຄຸມ ທັງໃນດ້ານການຈຳໜ່າຍສູ່ຕ່າງປະເທດ ບໍ່ວ່າຈະດ້ວຍຈຸດປະສົງທາງທະຫານ ຫຼື ກິດຈະການທົ່ວໄປ ລວມເຖິງປັນຍາປະດິດກ່ຽວກັບການແນະນຳເນື້ອໃນສ່ວນບຸກຄົນ, ການວິເຄາະເນື້ອໃນທີ່ເປັນລາຍລັກອັກສອນ ແລະ ເຕັກໂນໂລຊີການຈື່ຈຳສຽງ.

ເຊິ່ງການຈຳໜ່າຍວິທະຍາການດັ່ງກ່າວໃຫ້ກັບຕ່າງປະເທດ ອາດບໍ່ສາມາດເກີດຂຶ້ນໄດ້ຫາກບໍ່ໄດ້ຮັບການອະນຸມັດຈາກລັດຖະບານຈີນກ່ອນ ເຖິງແມ່ນວ່າເອກະສານຂອງກະຊວງການຄ້າຈີນບໍ່ໄດ້ລະບຸຊື່ຂອງບໍລິສັດ ແລະ ຜະລິດຕະພັນດ້ານເຕັກໂນໂລຊີປະເພດໃດ ແຕ່ການປ່ຽນແປງດັ່ງກ່າວ ຖືເປັນຄັ້ງທຳອິດໃນຮອບ 12 ປີ ເກີດຂຶ້ນໃນຂະນະທີ່ບໍລິສັດ ByteDance ແລະ ບໍລິສັດ Tencent ຂອງຈີນກຳລັງປະເຊີນກັບແຮງກົດດັນຢ່າງໜັກໜ່ວງຈາກລັດຖະບານ ສ.ອາເມຣິກາ ໃຫ້ຂາຍກິດຈະການໃນ ສ.ອາເມຣິກາ ນັ້ນກໍ່ຄື TikTok ແລະ WeChat ຕາມລຳດັບ ພາຍໃນໄລຍະເວລາທີ່ກຳນົດ ຖ້າບໍ່ດັ່ງນັ້ນທັງສອງແອັບພິເຄຊັນຈະຖືກປິດກັ້ນການໃຊ້ງານໃນ ສ.ອາເມຣິກາ.

ເຊິ່ງຂະບວນການເຮັດວຽກຂອງແອັບພິເຄຊັນທັງສອງລາຍການ ມີການໃຊ້ຂັ້ນຕອນວິທີ ທີ່ມີທ່າອ່ຽງສູງທີ່ຈະເຂົ້າຂ່າຍເປັນສິນຄ້າສົ່ງອອກຄວບຄຸມດ້ານເຕັກໂນໂລຊີ, ຂະນະດຽວກັນຍັງບໍ່ຊັດເຈນວ່າ ການປ່ຽນແປງເງື່ອນໄຂນີ້ມີຜົນບັງຄັບໃຊ້ເມື່ອໃດ ແຕ່ສຳນັກຂ່າວຊິນຫົວຂອງທາງການຈີນ ລາຍງານເມື່ອວັນເສົາ (29 ສິງຫາ) ທີ່ຜ່ານມາ ວ່າ DyteDane ຄວບທົບທວນຢ່າງຮອບຄອບ ແລະ ຈິງຈັງ ເພື່ອຍຸຕິການເຈລະຈາກັບບໍລິສັດຂອງ ສ.ອາເມຣິກາ ທີ່ຕ້ອງການຂໍ້ຊື້ກິດຈະການຂອງ TikTok ເຊິ່ງຕອນນີ້ມີທັງ Microsoft, Twtter, Netflix ແລະ Oracle.

HTML tutorial