ອິນເດຍວ່າຈີນລະເມີດເສັ້ນແບ່ງເຂດແດນທີ່ຍັງມີຄວາມຂັດແຍ່ງ, ຂະນະທີ່ຈີນອອກມາປະຕິເສດ

ລາຍງານ 1 ກັນຍາ 2020, ຕໍ່ກັບເຫດການທີ່ກອງທັບອິນເດຍກ່າວວ່າ ກອງທັບປົດປ່ອຍປະຊາຊົນຈີນ ພະຍາຍາມລະເມີດເສັ້ນແບ່ງຄວບຄຸມ (LAC) ເຊິ່ງເປັນການແບ່ງເຂດແດນຢ່າງບໍ່ເປັນທາງການ ທີ່ເປັນໄປຕາມການຍອມຮັບຂອງທັງສອງປະເທດ ພາຍຫຼັງສິ້ນສຸດສົງຄາມ ເມື່ອປີ 1962 ຢູ່ພູກັນວານ ທາງພາກຕາເວັນອອກຂອງເຂດລາດັກ ໃນພູມມິພາກແຄັສເມຍຂອງອິນເດຍ ຫຼື ເຂດອັກໄສຊິນ ທາງພາກຕາເວັນຕົກສຽງໃຕ້ຂອງຈີນ ເທິງສາຍພູຫິມາໄລ ລະຫວ່າງຄືນວັນທີ 29 ຕໍ່ເນື່ອງເຖິງຮຸ່ງເຊົ້າ 30 ສິງຫາ ທີ່ຜ່ານມາ.

ເຊິ່ງອິນເດຍຢືນຢັນວ່າ ສະຖານະການບໍ່ບານປາຍ ເນື່ອງຈາກເມື່ອທະຫານອິນເດຍຈຳນວນໜຶ່ງເຄື່ອນເຂົ້າໄປໃກ້ເສັ້ນ LAC ບໍລິເວນທະເລສາບປາງກອງ ຫຼື ຝາງກົງ ເພື່ອກົດດັນໃຫ້ອີກຝ່າຍຫຍັບຖອຍ, ເຖິງຢ່າງໃດກໍ່ຕາມ ທ່ານ ຈ້າວ ລີຈ້ຽນ ໂຄສົກກະຊວງການຕ່າງປະເທດຈີນ ກ່າວເຖິງບັນຫານີ້ລະຫວ່າງການຖະແຫຼງປະຈຳວັນຈັນ (31 ສິງຫາ) ທີ່ຜ່ານມາ ວ່າເຈົ້າໜ້າຂອງກອງທັບປົດປ່ອຍປະຊາຊົນຈີນທຸກຄົນຍຶດໝັ້ນຕາມກົດລະບຽບ ແລະ ຂໍ້ບັງຄັບເມື່ອຢູ່ຫຼັງເສັ້ນ LAC ແລະ ບໍ່ເຄີຍລະເມີດເຂດແດນ, ເຖິງຢ່າງໃດກໍ່ຕາມ ຕ່າງຝ່າຍຕ່າງກໍ່ບໍ່ໄດ້ໃຫ້ຂໍ້ມູນເພີ່ມເຕີມກ່ຽວກັບເລື່ອງນີ້.

ການເຄື່ອນໄຫວດັ່ງກ່າວເກີດຂຶ້ນ ພາຍຫຼັງທີ່ທະຫານອິນເດຍ ແລະ ທະຫານຈີນປະທະກັນຢ່າງດຸເດືອດຢູ່ເສັ້ນແບ່ງ LAC ເມື່ອງກາງເດືອນມິຖຸນາ ທີ່ຜ່ານມາ ສົ່ງຜົນໃຫ້ທະຫານອິນເດຍເສຍຊີວິດຢ່າງໜ້ອຍ 20 ຄົນ, ຂະນະທີ່ຈີນປະຕິເສດເປີດເຜີຍຂໍ້ມູນການສູນເສຍຂອງຝ່າຍຕົນ.

HTML tutorial