ອິດສະຣາແອນໂຈມຕີເຂດກາຊາຢ່າງໜັກໜ່ວງ ທ່າມກາງການລົງນາມສາຍພົວພັນກັບ 2 ຊາດອາຣັບ

ລາຍງານ 16 ກັນຍາ 2020, ກອງກຳລັງປ້ອງກັນຕົນເອງອິດສະຣາແອນໄດ້ປະຕິບັດການໂຈມຕີທາງອາກາດຕໍ່ເປົ້າໝາຍປະມານ 10 ແຫ່ງໃນເຂດກາຊາ ປາແລັດສະຕິນ ເມື່ອຄືນວັນອັງຄານ (15 ກັນຍາ) ຕໍ່ເນື່ອງຈົນເຖິງເຊົ້າວັນພຸດ (16 ກັນຍາ) ຕາມເວລາທ້ອງຖິ່ນ ໂດຍສະຖານທີ່ທີ່ຖືກໂຈມຕີມີທັງສາງອາວຸດ ແລະ ເຂດທີ່ໝັ້ນຂອງກຸ່ມຮາມາສ ຕະຫຼອດຮອດໂຄງສ້າງພື້ນຖານໃຕ້ດິນ ຕອບໂຕ້ການຍິງຈະຫຼວດຂ້າມຊາຍແດນປະມານ 15 ລູກອອກມາຈາກເຂດກາຊາ ແຕ່ລະບົບປ້ອງກັນ Iron Dome ສາມາດສະກັດໄວ້ໄດ້ 9 ລູກ.

ເບື້ອງຕົນມີລາຍງານປະຊາຊົນອິດສະຣາແອນ 2 ຄົນໄດ້ຮັບບາດເຈັບຈາກຈະຫຼວດ ໂດຍສະຖານະການດັ່ງກ່າວເກີດຂຶຶ້ນພຽງບໍ່ພໍເທົ່າໃດຊົ່ວໂມງ ພາຍຫຼັງທີ່ທ່ານ ເບນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນ ລົງນາມໃນຂໍ້ຕົກລົງສະຖາປະນາສາຍພົວພັນເຕັມຮູບແບບກັບ ສະຫະນະຄອນ ເອເມຣັດ ອາຣັບ (UAE) ແລະ ບາເຣນ ທີ່ທຳນຽບຂາວໃນນະຄອນຫຼວງວໍຊິງຕັນ ເຊິ່ງທ່ານ ໂດໂນ ທຣຳ ປະທານປະເທດ ສ.ອາເມຣິກາຮ່ວມເປັນສັກຂີພະຍານ.

President Donald J. Trump, Minister of Foreign Affairs of Bahrain Dr. Abdullatif bin Rashid Al-Zayani, Israeli Prime Minister Benjamin Netanyahu and Minister of Foreign Affairs for the United Arab Emirates Abdullah bin Zayed Al Nahyanisigns sign the Abraham Accords Tuesday, Sept. 15, 2020, on the South Lawn of the White House.

ໃນດ້ານຂອງກຸ່ມຮາມາສອອອກຖະແຫຼງການໂດຍບໍ່ໄດ້ລະບຸວ່າເປັນຜູ້ຍິງຈະຫຼວດທັງໝົດໃນຄັ້ງນີ້ຫຼືບໍ່ ແຕ່ກ່າວວ່າຈະຍົກລະດັບ ແລະ ຂະຫຍາຍຂອບເຂດຂອງການຕອບສະໜອງໃນລະດັບດຽວກັບຄວາມປ່າເຖື່ອນຂອງຜູ້ຍຶດມາຄອງ, ຂະນະຜູ້ທ່ານ ເບນຈາມິນ ເນທັນຢາຮູ ໄດ້ຮັບລາຍງານກ່ຽວກັບສະຖານະການໃນເຂດກາຊາລະຫວ່າງການກຽມເດີນທາງກັບ ເຊິ່ງຜູ້ນຳອິດສະຣາແອນກ່າວວ່າ ບໍ່ແມ່ນສິ່ງທີ່ເໜືອຄວາມຄາດໝາຍ.

ເຖິງຢ່າງໃດກໍ່ຕາມ, ມີການວິເຄາະເຊັ່ນກັນວ່າ ການໂຈມຕີຈາກເຂດກາຊາໃນຄັ້ງນີ້ ເປັນການສົ່ງສັນຍານ ຫຼື ສະແດງອອກທາງສັນຍາລັກ ວ່າຂໍ້ຕົກລົງທີ່ເກີດຂຶ້ນບໍ່ແມ່ນຂໍ້ຕົກລົງສັນຕິພາບທີ່ຍືນຍົງ, ເຖິງ UAE ແລະ ບາເຣນເປັນປະເທດທີ 3 ແລະ 4 ຂອງອາຣັບ ທີ່ສະຖາປະນາສາຍພົວພັນລະດັບປົກກະຕິກັບອິດສະຣາແອນ ຖັດຈາກເອຢິບ ເມື່ອປີ 1979 ແລະ ຊອກດານີ ເມື່ອປີ 1994.

HTML tutorial