ສານ ສ.ອາເມຣິກາສັ່ງໂຈະຄຳສັ່ງ ປ.ທຣຳ ທີ່ຕ້ອງການຫ້າມ TikTok ເປັນການຊົ່ວຄາວ

ລາຍງານ 28 ກັນຍາ 2020, ທ່ານ ຄາ ເຈ.ນິໂຄ (Carl J.Nichols) ຜູ້ພິພາກສາສານນະຄອນຫຼວງວໍຊິງຕັນ ມີຄຳສັ່ງສຸກເສີນເມື່ອວັນອາທິດ (28 ກັນຍາ) ທີ່ຜ່ານມາ ໂຈະຄຳສັ່ງຂອງທ່ານ ໂດໂນ ທຣຳ ປະທານປະເທດ ສ.ອາເມຣິກາ ທີ່ຕ້ອງການໃຫ້ Apple ແລະ Google ນຳແອັບ TikTok ອອກຈາກລະບົບປະຕິບັດການ ຫຼັງເວລາ 23:59 ນາທີ ຕາມເວລາທ້ອງຖິ່ນຂອງວັນອາທິດຂອງນະຄອນຫຼວງວໍຊິງຕັນ ໂດຍເຫັນດີກັບ TikTok ໃນປະເດັນການປົກປ້ອງເສລີພາບໃນການສະແດງຄວາມຄິດເຫັນ.

ເຖິງຢ່າງໃດກໍ່ຕາມ, ຄຳສັ່ງດັ່ງກ່າວເປັນພຽງການຕໍ່ລົມຫາຍໃຈໄລຍະສັ້ນໆໃຫ້ກັບ TikTok ເທົ່ານັ້ນ, ເນື່ອງຈາກຜູ້ພິພາກສາຍັງປະຕິເສດທີ່ຈະໃຫ້ລາຍລະອຽດຕໍ່ຄຳຕັດສິນກ່ຽວກັບມາດຕະການຂອງກະຊວງການຄ້າ ສ.ອາເມຣິກາ ເຊິ່ງຈະມີຜົນບັງຄັບໃຊ້ໃນວັນທີ 12 ພະຈິກນີ້ ແລະ ຈະເຮັດໃຫ້ TikTok ບໍ່ສາມາດໃຊ້ງານໄດ້ໃນ ສ.ອາເມຣິກາ ອີກຕໍ່ໄປ.

ຂະນະດຽວກັນ, ອະນາຄົດຂອງ TikTok ໃນ ສ.ອາເມຣິກາຍັງບໍ່ແນ່ນອນ ຈາກການທີ່ ByteDance, Oracle ແລະ Wallmart ຍັງບໍ່ໄດ້ຂໍ້ສະຫຼຸບກ່ຽວກັບໂຄງສ້າງຂອງ TikTok Global ເຊິ່ງຈະເປັນຊື່ໃໝ່ຂອງສຳນັກງານໃນ ສ.ອາເມຣິກາ ເມື່ອ ByteDance ຢືນຢັນການເປັນຜູ້ຖືຮຸ້ນລາຍໃຫຍ່ທີ່ສຸດ ແຕ່ທ່ານ ໂດໂນ ທຣຳ ແມ່ນບໍ່ຍິນຍອມ.

ໃນດ້ານຂອງທະນາຍຄວາມຂອງກະຊວງຍຸຕິທຳຢືນຢັນວ່າ ບໍລິສັດ ByteDance ເຊິ່ງຕອນນີ້ຍັງຖືເປັນເຈົ້າຂອງ TikTok ເຕັມຕົວ ຄືກະບອກສຽງຂອງພັກຄອມມູນິດຈີນ ແລະ ຜູ້ນຳ ສ.ອາເມຣິກາ ມີຄວາມຊອບທຳຕາມກົດໝາຍ ທີ່ຈະຫ້າມການໃຊ້ງານແອັບດັ່ງກ່າວໃນປະເທດ ດ້ວຍເຫດຜົນດ້ານຄວາມໝັ້ນຄົງ.

ເຊິ່ງສານລັດຖະບານກາງ ທີ່ເມືອງຊານຟຣານຊິສໂກ ກໍ່ມີຄຳສັ່ງສຸກເສີນ ເມື່ອກາງເດືອນນີ້ ໃຫ້ການຄຸ້ມຄອງຊົ່ວຄາວ ຕໍ່ຜູ້ໃຊ້ງານແອັບ WeChat ຈາກການທີ່ລັດຖະບານ ສ.ອາເມຣິກາ ຕ້ອງການຫ້າມໃຊ້ແອັບນີ້ ເຊິ່ງເປັນຂອງບໍລິສັດ Tencent ຈາກຈີນ ເນື່ອງດ້ວຍເຫດຜົນວ່າເປັນໄພຕໍ່ຄວາມໝັ້ນຄົງ.

HTML tutorial