ປ.ທຣຳ ຜູ້ນຳ ສ.ອາເມຣິກາ ແລະ ພັນລະຍາ ຕິດເຊື້ອພະຍາດໂຄວິດ-19

ລາຍງານ 2 ຕຸລາ 2020, ຈາກການທີ່ທ່ານ ນາງ ໂຮບ ຮິກ ໜຶ່ງໃນທີ່ປຶກສາຂອງທ່ານ ໂດໂນ ທຣຳ ປະທານປະເທດ ສ.ອາເມຣິກາ ຕິດເຊື້ອພະຍາດໂຄວິດ-19 ສົ່ງຜົນໃຫ້ທ່ານ ໂດໂນ ທຣຳ ແລະ ທ່ານ ນາງ ເມລາເນຍ ທຣຳ ພັນລະຍາ ຕ້ອງເຂົ້າກວດຫາເຊື້ອພະຍາດໂຄວິດ-19 ເມື່ອຕອນຄ່ຳຂອງວັນພະຫັດ (1 ຕຸລາ) ທີ່ຜ່ານມາ ຕາມເວລາທ້ອງຖິ່ນ.

ຫຼັງຈາກນັ້ນບໍ່ດົນ, ຜູ້ນຳ ສ.ອາເມຣິກາ ໄດ້ປະກາດຜ່ານທາງ Twitter ວ່າຕົນ ແລະ ພັນລະຍາມີຜົນກວດເປັນບວກ ຕອນນີ້ຢູ່ໃນຂະບວນການກັກຕົວ ແລະ ປິ່ນປົວຕາມຂັ້ນຕອນແລ້ວ.

ເຊິ່ງທ່ານ ໂດໂນ ທຣຳ ອາຍຸ 74 ປີ ເປັນຜູ້ນຳໂລກຄົນຫຼ້າສຸດທີ່ຕິດພະຍາດໂຄວິດ-19 ຖັດຈາກທ່ານ ບໍຣິສ ຈອນສັນ ນາຍົກລັດຖະມົນຕີອັງກິດ ແລະ ທ່ານ ຊາອີ ໂບໂຊນາໂຣ ປະທານປະເທດບຣາຊິນ, ນອກຈາກນັ້ນຍັງມີຜູ້ນຳໃນກຸ່ມປະເທດຄາຣິບບຽນ ແລະ ລາຕິນອາເມຣິກາອີກຫຼາຍຄົນ.

HTML tutorial