ອົງການອະນາໄມໂລກຄາດວ່າທ້າຍປີນີ້ ວັກແຊັງຕ້ານໂຄວິດ-19 ຈະພ້ອມໃຊ້ງານ

ລາຍງານ 7 ຕຸລາ 2020, ທ່ານ ເທດຼອສ ແອດນາຮອມ ເກເບຼເຢຊຸສ ຜູ້ອຳນວຍການອົງການອະນາໄມໂລກ (WHO) ກ່າວໃນກອງປະຊຸມຄະນະກຳມະການບໍລິຫານອົງການອະນາໄມໂລກ ວ່າດ້ວຍມາດຕະການຮັບມືກັບການແຜ່ລະບາດຂອງພະຍາດໂຄວິດ-19 ເມື່ອວັນອັງຄານ (6 ຕຸລາ) ທີ່ຜ່ານມາ ວ່າພວກເຮົາຍັງຕ້ອງການວັກແຊັງ ແລະ ຫວັງວ່າໃນທ້າຍປີນີ້ຈະມີວັກແຊັງມາໃຊ້ໄດ້, ພ້ອມກັນນັ້ນຍັງໄດ້ຮຽກຮ້ອງໃຫ້ສາມັກຄີກັນ ແລະ ຍຶດໝັ້ນໃນພັນທະທາງການເມືອງຈາກຜູ້ນຳທົ່ວໂລກ ເພື່ອເປັນສິ່ງຄ້ຳປະກັນວ່າວັກແຊັງຈະໄດ້ຮັບການຈຳໜ່າຍ ແລະ ແຈກຢາຍຢ່າງທົ່ວເຖິງເມື່ອພ້ອມໃຊ້.

ຂະນະນີ້, ວັກແຊັງກຳລັງຢູ່ລະຫວ່າງການວິໄຈ 9 ວັກແຊັງ ເຊິ່ງຈະເປັນແກນຫຼັກຂອງໂຄງການວັກແຊັງທົ່ວໂລກ ທີ່ມີອົງການອະນາໄມໂລກເປັນແກນນຳໃນຊື່ COVAX ທີ່ມີເປົ້າໝາຍຈະແຈກຢາຍວັກແຊັງໃຫ້ໄດ້ 2,000 ລ້ານຫຼອດພາຍໃນທ້າຍປີໜ້າ ເຊິ່ງຂະນະນີ້ມີທັງໝົດ 168 ປະເທດແລ້ວທີ່ເຂົ້າຮ່ວມໂຄງການນີ້ ຍົກເວັ້ນ ສປ.ຈີນ, ສ.ອາເມຣິກາ ແລະ ລັດເຊຍ.

HTML tutorial