ອຸຕຸເຕືອນໄພ ໃຫ້ກຽມຮັບມືພາຍຸ “ລິນຟາ” ຂຶ້ນຝັ່ງລະຫວ່າງ 11-13 ຕຸລານີ້

ລາຍງານ 11 ຕຸລາ 2020, ກົມອຸຕຸນິຍົມ ແລະ ອຸທົກກະສາດ ອອກແຈ້ງເຕືອນໄພພາຍຸໝຸນເຂດຮ້ອນ “ລິນຟາ” (Linfa) ທີ່ກຳລັງກໍ່ຕົວຢູ່ໃນທະເລຈີນໃຕ້ ໂດຍໃນເວລາ 7:00 ໂມງ ຂອງວັນອາທິດນີ້ ພວມເຄື່ອນທີ່ມາທາງທິດຕາເວັນຕົກດ້ວຍຄວາມໄວ 30 ກິໂລແມັດຕໍ່ຊົ່ວໂມງ, ຄາດວ່າພາຍຸຫົວນີ້ຈະເຄື່ອນຂຶ້ນຝັ່ງທາງພາກໃຕ້ຂອງຫວຽດນາມ ໃນຄ່ຳຄືນຂອງວັນອາທິດ 11 ຕຸລານີ້ ແລ້ວຈະສືບຕໍ່ເຄື່ອນເຂົ້າຜ່ານທາງພາກໃຕ້ ຫາກ ພາກກາງຂອງ ສປປ.ລາວ ເຊິ່ງຈະເຮັດໃຫ້ມີຝົນຕົກໜັກ ຫາ ຕົກຫຼາຍ ພ້ອມມີລົມພັດແຮງຢູ່ບັນດາແຂວງພາກກາງ ແລະ ພາກໃຕ້ ໃນໄລຍະວັນທີ 11 ຫາ 13 ຕຸລານີ້.

ດັ່ງນັ້ນ, ຈຶ່ງແຈ້ງເຕືອນເຖິງຜູ້ທີ່ອາໄສຢູ່ແຂງພາກກາງ ແລະ ພາກໃຕ້ເຊັ່ນ: ແຂວງຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ຈົ່ງມີສະຕິລະມັດລະວັຕໍ່ສະພາບຝົນຕົກໜັກ ແລະະ ລົມພັດແຮງ ທີ່ຈະເຮັດໃຫ້ຕົ້ນໄມ້ຫັກ ແລະ ເສົາໄຟຟ້າລົ້ມ, ເຮືອນເປ່ເພ, ນ້ຳຖ້ວມຊຸ, ດິນເຈື່ອນ ແລະ ນ້ຳຖ້ວມອັ່ງ.

ພ້ອມນີ້ໃຫ້ຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມການແຈ້ງເຕືອນໄພຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.

HTML tutorial