ຜູ້ນຳລັດເຊຍກ່າວ ພ້ອມຊ່ວຍເຫຼືອ ສປປ.ລາວ ທາງດ້ານການທະຫານ ແລະ ຮ່ວມມືທາງເສດຖະກິດ

ລາຍງານ 18 ພຶດສະພາ 2021, ທ່ານ ວະລາດິເມຍ ປູຕິນ ປະທານປະເທດລັດເຊຍ ໄດ້ກ່າວໃນພິທີຮັບສານຕາຕັ້ງ ຈາກເອກອັກຄະລັດຖະທູດ 23 ປະເທດໃນວັນອັງຄານນີ້ ເຊິ່ງໜຶ່ງໃນນັ້ນຄືຈາກທ່ານ ນາງ ວິລາວັນ ເຢຍປໍເຮີ ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ.ລາວ ປະຈຳລັດເຊຍ ວ່າ: ລັດເຊຍຈະສືບບຕໍ່ໃຫ້ການຊ່ວຍເຫຼືອທາງດ້ານການທະຫານ ແລະ ເຕັກນິກໃຫ້ແກ່ກອງທັບປະຊາຊົນລາວ.

ຜູ້ນຳລັດເຊຍກ່າວວ່າ:​ ພວກເຮົາມີຄວາມເພິ່ງພໍໃຈເປັນຢ່າງຍິ່ງຕໍ່ກັບສາຍພົວພັນກັບ ສປປ.ລາວ ໃນຖານະຄູ່ຮ່ວມມື ທີ່ເຊື່ອຖືໄດ້ໃນອາຊີຕາເວັນອອກສຽງໃຕ້, ພວກເຮົາຈະສືບຕໍ່ໃຫ້ການຊ່ວຍເຫຼືອທາງດ້ານການທະຫານ ແລະ ເຕັກນິກແກ່ກອງທັບປະຊາຊົນລາວ ແລະ ເຝິກອົບຮົບອ້າຍນ້ອງທະຫານລາວ ໃນມະຫາວິທະຍາໄລປ້ອງກັນປະເທດແຫ່ງລັດເຊຍ.

ຜູ້ນຳລັດເຊຍຍັງກ່າວຕື່ມວ່າ: ສອງປະເທດມີຄວາມພະຍາຍາມເປັນຢ່າງຍິ່ງ ເພື່ອແນໃສ່ລົງເລີກການຮ່ວມມືໃນຂົງເຂດການຄ້າ, ເສດຖະກິດ ແລະ ມະນຸດສະທຳ ລວມທັງເພີ່ມການພົບປະແລກປ່ຽນໃນລະດັບຊາດ.

- Advertisement -