ຫວຽດນາມກວດພົບໂຄວິດ-19 ກາຍພັນ ປະສົມປະສານລະຫວ່າງສາຍພັນອິນເດຍ ແລະ ອັງກິດ

ລາຍງານ 30 ພຶດສະພາ 2021, ກະຊວງສາທາລະນະສຸກຂອງຫວຽດນາມ ອອກຖະແຫຼງການ ເມື່ອວັນເສົາ 29 ພຶດສະພາ ທີ່ຜ່ານມາ ກ່ຽວກັບຜົນການກວດລຳດັບ DNA ຂອງເຊື້ອພະຍາດໂຄວິດ-19 ຂອງຜູ້ຕິດເຊື້ອຫຼາຍຄົນໃນປະເທດ ພົບການກາຍພັນ “ແບບປະສົມ” ຂອງເຊື້ອພະຍາດໂຄວິດ-19 ສາຍພັນຈາກອິນເດຍ ຫຼື B.1.617.2 ກັບ ສາຍພັນອັງກິດ ຫຼື B.1.1.7 ຫຼື ເວົ້າອີກຢ່າງໜຶ່ງວ່າ ເປັນເຊື້ອສາຍພັນອິນເດຍທີ່ມີລັກສະນະການກາຍພັນຄັ້ງໃໝ່ ໃນຮູບແບບດຽວກັບກັບການກາຍພັນຂອງເຊື້ອສາຍພັນອັງກິດ.

ໃນເບື້ອງຕົ້ນການວິເຄາະເຊື້ອພະຍາດໂຄວິດດັ່ງກ່າວ ຈາກການເພາະລ້ຽງໃນຫ້ອງທົດລອງ ປາກົດວ່າ ສາມາດແຜ່ກະຈາຍໄດ້ໄວ ແລະ ງ່າຍກວ່າເຊື້ອທີ່ກຳລັງແຜ່ລະບາດຢູ່ໃນປັດຈຸບັນ, ຈຶ່ງອາດເປັນເຫດຜົນວ່າ ດ້ວຍເຫດໃດຫວຽດນາມຈຶ່ງພົບຜູ້ຕິດເຊື້ອເພີ່ມຂຶ້ນແບບກ້າວກະໂດດພາຍໃນເວລາພຽງບໍ່ດົນ ໂດຍເມື່ອວັນທີ 25 ພຶດສະພາ ທີ່ຜ່ານມາ ພຽງວັນດຽວມີຜູ້ຕິດເຊື້ອລາຍໃໝ່ສູງເຖິງ 447 ຄົນ, ເຊິ່ງຫວຽດນາມຍັງບໍ່ໄດ້ກຳນົດຊື່ຂອງເຊື້ອພະຍາດຈຸລະໂລກໃໝ່ນີ້ ແຕ່ຈະເຜີຍແຜ່ຂໍ້ມູນໃນລະບົບພັນທຸກຳສາກົນຕໍ່ໄປ.

ປັດຈຸບັນຫວຽດນາມ ມີຜູ້ຕິດເຊື້ອສະສົມ 6,908 ຄົນ, ກຳລັງປິ່ນປົວຢູ່ 3,907 ຄົນ ແລະ ເສຍຊີວິດແລ້ວ 47 ຄົນ.

ເຊິ່ງການຮຽກສາຍພັນຕ່າງໆງເຊັ່ນ: ອັງກິດ, ອາຟຣິກາ ຫຼື ອິນເດຍ ມີທີ່ມາຈາກສະຖານທີ່ທີ່ຄົ້ນພົບຄັ້ງທຳອິດ ແລະ ຖືກໃຊ້ ເພື່ອໃຫ້ງ່າຍຕໍ່ການເຂົ້າໃຈເທົ່ານັ້ນ ບໍ່ໄດ້ມີສ່ວນກ່ຽວຂ້ອງກັບເຊື້ອຊາດ ຫຼື ໃດໆທັ່ງນັ້ນ.

- Advertisement -