ອົງການອະນາໄມໂລກລະບຸວ່າ ພະຍາດໂຄວິດ-19 ທີ່ລະບາດໃນຫວຽດນາມບໍ່ແມ່ນສາຍພັນປະສົມ

ຈາກການທີ່ຫວຽດນາມອອກມາລະບຸວ່າ ພົບການກາຍພັນຂອງພະຍາດໂຄວິດ-19 ແບບປະສົມປະສານລະຫວ່າງສາຍພັນອິນເດຍ ກັບ ສາຍພັນອັງກິດ ຫຼ້າສຸດອົງການອະນາໂລກລະບຸວ່າ ຍັງເປັນສາຍພັນອິນເດຍຢູ່.

ລາຍງານ 3 ມິຖຸນາ 2021, ຈາກການທີ່ລັດຖະບານຫວຽດນາມເປີດເຜີຍເມື່ອທ້າຍເດືອນທີ່ຜ່ານມາ ວ່າພົບການກາຍພັນແບບປະສົມປະສານຂອງເຊື້ອຈຸລະໂລກໂຄໂຣນາສາຍພັນອິນເດຍຄື B.1.617 ກັບ ສາຍພັນອັງກິດ B.1.1.7 ໂດຍອະທິບາຍວ່າ ເປັນເຊື້ອສາຍພັນອິນເດຍ ທີ່ມີລັກສະນະຂອງການກາຍພັນຄັ້ງໃໝ່ ໃນຮູບແບບດຽວກັນກັບການກາຍພັນຂອງເຊື້ອສາຍພັນອັງກິດ.

ທ່ານ ປາກ ກີ-ດົງ ຜູ້ແທນອົງການອະນາໄມໂລກ ປະຈຳຫວຽດນາມ ກ່າວໃນວັນພະຫັດນີ້ວ່າ ເຊື້ອຈຸລະໂລກໂຄໂຣນາທີ່ກະຊວງສາທາລະນະສຸກຂອງຫວຽດນາມໃຫ້ຂໍ້ມູນໄວ້ນັ້ນ ບໍ່ແມ່ນການກາຍພັນຊ້ຳຊ້ອນຂອງເຊື້ອຈຸລະໂລກໂຄໂຣນາສອງສາຍພັນ ຫຼື ການລວມຕົວທາງພັນທຸກຳລະຫວ່າງເຊື້ອສາຍພັນໃດ ແຕ່ຍັງຄົງເປັນເຊື້ອເດວຕາ, ໂດຍທ່ານ ປາກ ກີ-ດົງ ໃຊ້ຊື່ພາສາເກຣັກ ທີ່ອົງການອະນາໄມໂລກກຳນົດເປັນແນວທາງໃໝ່ ໃນການຮຽກແທນຊື່ເຊື້ອຈຸລະໂລກໂຄໂຣນາສາຍພັນທີ່ພົບໃນແຕ່ລະປະເທດ ແລະ ເຊື້ອສາຍພັນເດວຕາ ໝາຍເຖິງເຊື້ອ B.1.617 ທີ່ພົບຄັ້ງທຳອິດໃນອິນເດຍ.

ເຖິງຢ່າງໃດກໍ່ຍຕາມ, ທ່ານ ປາກ ກີ-ຄົງ ຢືນຢັນວ່າ ອົງການອະນາໄມໂລກໄດ້ຕິດຕາມສະຖານະການຂອງພະຍາດໂຄວິດ-19 ໃນຫວຽດນາມຢ່າງໃກ້ຊິດ ເນື່ອງຈາກາຍພັນເດວຕາແຜ່ລະບາດງ່າຍ, ວ່ອງໄວ ແລະ ສົ່ງຜົນໃຫ້ເກີດອາກາເຈັບປ່ວຍຮຸນແຮງ, ໂດຍສະເພາະຢ່າງຍິ່ງ ຫາກຜູ້ໄດ້ຮັບເຊື້ອມີສະພາບຮ່າງກາຍບໍ່ແຂງແຮງ.