ສ.ອາເມຣິກາປະກາດຊ່ວຍເຫຼືອວັັກແຊັງຕ້ານໂຄວິດ 25 ລ້ານຫຼອດ ໃນນັ້ນລວມມີ ສປປ.ລາວ ນຳ

ສ.ອາເມຣິກາ ປະກາດຈະຊ່ວຍເຫຼືອວັກແຊັງຕ້ານພະຍາດໂຄວິດ-19 ຈຳນວນ 25 ລ້ານຫຼອດ ທັງໃຫ້ອົງການອະນາໂລກແຈກຢາຍ ແລະ ແຈກຢາຍເອງ ໂດຍກຸ່ມປະເທດທຳອິດທີ່ຈະໄດ້ຮັບແມ່ນເຂດອາຊີ ລວມມີ ສປປ.ລາວ ນຳ.

ລາຍງານ 4 ມິຖຸນາ 2021, ທຳນຽບຂາວເຜີຍແຜ່ຖະແຫຼງການຂອງທ່ານ ໂຈ ໄບເດນ ປະເທດປະເທດ ສ.ອາເມຣິກາ ເມື່ອວັນພະຫັດ 3 ມິຖຸນາ ທີ່ຜ່ານມາ ຢືນຢັນວ່າຈະບໍລິຈາກວັກແຊັງຕ້ານພະຍາດໂຄວິດ-19 ໃນສ່ວນຂອງ ສ.ອາເມຣິກາ ໃຫ້ແກ່ປະຊາຄົມໂລກ ໂດຍບໍ່ຫວັງຜົນຕອບແທນທາງການເມືອງໃດໆ ໂດຍຜ່ານໂຄງການໂຄແວັກຂອງອົງການອະນາໄມໂລກ ເພື່ອແບ່ງປັນແຈກຢາຍລວມທັງໝົດເກືອບ 19 ລ້ານຫຼອດ ໃນນັ້ນໃຫ້ແກ່ອາຊີໃຕ້ ແລະ ອາຊີຕາເວັນອອກສຽງໃຕ້ 7 ລ້ານຫຼອດ,  ໃຫ້ແກ່ອາເມຣິກາລາຕິນ ແລະ ຄາຣິບຽນ 6 ລ້ານຫຼອດ ແລະ ໃຫ້ແກ່ອາຟຣິກາ ປະມານ 5 ລ້ານຫຼອດ.

ສຳລັບໃນສ່ວນຂອງອາຊີໃຕ້ ແລະ ອາຊີຕາເວັນອອກສຽງໃຕ້ ກຸ່ມທຳອິດປະກອບມີ: ອິນເດຍ, ເນປານ, ບັງກະລາເທດ, ປາກິດສະຖານ, ສີລັງກາ, ອາຟະການິດສະຖານ, ມານດີວ, ມາເລເຊຍ, ຟິລິບປິນ, ຫວຽດນາມ, ອິນໂດເນເຊຍ, ໄທ, ສປປ.ລາວ, ປາປົວນິວກິນີ ແລະ ໄຕ້ຫວັນ.

ຂະນະດຽວກັນ, ລັດຖະບານ ສ.ອາເມຣິກາ ຈະເປັນຜູ້ກະຈາຍວັກແຊັງເອງ 6 ລ້ານຫຼອດ ມອບໂດຍກົງໃຫ້ແກ່: ແມັກຊິກ, ການາດາ, ເກົາຫຼີໃຕ້, ເຂດເວສແບັງ ແລະ ເຂດການາ ປາແລັດສະຕິນ, ອິນເດຍ, ອູແກຣນ, ໂຄໂຊໂວ, ໄຮຕິ, ຊອກຊີ, ເອຢິບ, ອິຣັກ, ຊອກດານີ ແລະ ເຢເມນ ລວມໄປເຖິງເຈົ້າໜ້າທີ່ດ້ານໜ້າຂອງອົງການສະຫະປະຊາຊາດ.

ເຊິ່ງເນື້ອໃນຖະແຫຼງການບໍ່ໄດ້ລະບຸວ່າ ການສົ່ງມອບວັກແຊັງໃຫ້ແກ່ໂຄງການໂຄແວັກ ແລະ ປະເທດຕ່າງໆນັ້ນຈະເກີດຂຶ້ນເມື່ອໃດ, ແຕ່ທ່ານ ນາງ ເຈນ ຊາກີ ໂຄສົກປະຈຳທຳນຽບຂາວຢືນຢັນວ່າ ຈະເກີດຂຶ້ນໂດຍໄວທີ່ສຸດເທົ່າທີ່ຈະເຮັດໄດ້, ໂດຍທ່ານ ນາງ ກະມະລາ ແຮຣິສ ຮອງປະເທດປະເທດ ສ.ອາເມຣິກາ ໄດ້ໂທລະສັບໄປແຈ້ງຂໍ້ມູນໂດຍກົງກັບຜູ້ນຳຂອງບາງປະເທດແລ້ວ.

ເຖິງຢ່າງໃດກໍ່ຕາມ, ວັກແຊັງປະມານ 25 ລ້ານຫຼອດທີ່ຈະສົ່ງມອບໃນຄັ້ງນີ້ ຈະບໍ່ມີວັກແຊັງແອັດຕຣາເຊເນກາ/ອັອກຟອດ ແລະ ລັດຖະບານ ສ.ອາເມຣິກາ ຍັງບໍ່ໄດ້ໃຫ້ຂໍ້ມູນຊັດເຈນ ກ່ຽວກັບການສົ່ງອອກວັດຖຸດິບທີ່ພຽງພໍຜະລິດວັກແຊັງແອັສຕຣາເຊເນກາ ຈຳນວນ 60 ລ້ານຫຼອດ ເຊິ່ງກ່ອນໜ້າທີ່ຢືນຢັນຈະມອບໃຫ້ແກ່ອິນເດຍເປັນຫຼັກ.

- Advertisement -