ສ.ອາເມຣິກາ ສົ່ງກອງເຮືອບັນທຸກຍົນຮົບເຂົ້າສູ່ທະເລຈີນໃຕ້ ປະຕິບັດພາລະກິດດ້ານຄວາມໝັ້ນຄົງ

ລາຍງານ 15 ມິຖຸນາ 2021, ກອງເຮືອນທີ 7 ກອງທັບເຮືອ ສ.ອາເມຣິກາ ທີ່ມີຖານປະຕິບັດການຢູ່ເມືອງໂຢໂກຊຸກະ ແຂວງຄານາງາວະ ປະເທດຍີ່ປຸ່ນ ອອກຖະແຫຼງການວ່າ ເຮືອບັນທຸກຍົນຮົບພະລັງງານນິວເຄຼຍ USS Ronald Reagan ພ້ອມກອງເຮືອຕິດຕາມ ທີ່ລວມເຖິງເຮືອພິຄາດຕິດຕັ້ງລະບົບຂີປະນາວຸດນຳວິຖີ USS Halsey ແລະ USS Shiloh ເດີນທາງເຂົ້າສູ່ທະເລຈີນໃຕ້ ເມື່ອວັນຈັນ 14 ມິຖຸນາ 2021 ທີ່ຜ່ານມາ ເພື່ອປະຕິບັດພາລະກິດດ້ານຄວາມໝັ້ນຄົງທາງທະເລ ເຊິ່ງລວມເຖິງການເຝິກຊ້ອມເພື່ອກຽມພ້ອມທາງຍຸດທະວິທີ ທັງທາງອາກາດ ແລະ ທາງທະເລ.

ການເຄື່ອນໄຫວດັ່ງກ່າວເກີດຂຶ້ນໃນເວລາດຽວກັນກັບທີ່ກອງປະຊຸມສຸດຍອດຜູ້ນຳ 30 ປະເທດສະມາຊິກອົງການສົນທິສັນຍາອາກລັງຕິກເໜືອ (NATO : ນາໂຕ) ປະຊຸມຮ່ວມກັນ ທີ່ນະຄອນຫຼວງບຼັສເຊວ ປະເທດແບນຊິກ (ເບວຢຽມ) ແລະ ອອກຖະແຫຼງການຮ່ວມກັນ ກ່າວພາດພິງເຖິງຈີນໂດຍກົງຢ່າງເປັນທາງການຄັ້ງທຳອິດ ວ່າການເຄື່ອນໄຫວຂອງລັດຖະບານຈີນຢູ່ໃນໂລກປັດຈຸບັນນີ້ ຖືເປັນຄວາມສ່ຽງ ແລະ ເປັນສິ່ງທ້າທາຍດ້ານຄວາມໝັ້ນຄົງ ແລະ ລະບຽບການຂອງໂລກ.

- Advertisement -