ຮວມພາບປະຫວັດສາດໜ້າໃໝ່ຂອງ ເກົາຫຼີເໜືອ ແລະ ສ.ອາເມຣິກາ ທີ່ສິງກະໂປ

North Korea's leader Kim Jong Un (R) walks with US President Donald Trump (L) during a break in talks at their historic US-North Korea summit, at the Capella Hotel on Sentosa island in Singapore on June 12, 2018.Donald Trump and Kim Jong Un became on June 12 the first sitting US and North Korean leaders to meet, shake hands and negotiate to end a decades-old nuclear stand-off. / AFP PHOTO / SAUL LOEB

ຮວບຮວມພາບປະຫວັດສາດການປະຊຸມສຸດຍອດລະຫວ່າງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກັບ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໃນການພົບປະເຈລະຈາກັນ ເພື່ອສັນຕິພາບຢູ່ແຫຼມເກົາຫຼີ ທີ່ໂຮງແຮມຄາເປລລາ, ເກາະເຊນໂຕຊາ, ປະເທດສິງກະໂປ ວັນທີ 12 ມິຖຸນາ 2018.

ໂດຍທັງສອງຝ່າຍໄດ້ລົງນາມໃນຂໍ້ຕົກລົງຮ່ວມກັນ 1 ສະບັບ ແລະ ມີເນື້ອໃນສຳຄັນ 4 ຂໍ້ຄື:

1. ສະຫະລັດ ອາເມຣິກາ ແລະ ເກົາຫຼີເໜືອໃຫ້ຄຳໝັ້ນສັນຍາວ່າຈະສະຖາປະນາສາຍພົວພັນລະຫວ່າງກັນຄັ້ງໃໝ່ ເພື່ອໃຫ້ເປັນໄປຕາມຄວາມປາດຖະໜາຂອງປະຊາຊົນທັງສອງປະເທດ ເພື່ອສັນຕິພາບ ແລະ ຄວາມຮຸ່ງເຮືອງ.

2. ສະຫະລັດ ອາເມຣິກາ ແລະ ເກົາຫຼີເໜືອຈະໃຊ້ຄວາມພະຍາຍາມຮ່ວມກັນໃນການສ້າງສັນຕິພາບທີ່ໝັ້ນຄົງ ແລະ ຍືນຍົງຢູ່ແຫຼມເກົາຫຼີ.

3. ເກົາຫຼີເໜືອໃຫ້ຄຳໝັ້ນສັນຍາວ່າ ຈະເດີນໜ້າຂະບວນການປົດອາວຸດນິວເຄຼຍຢ່າງຖາວອນຢູ່ແຫຼມເກົາຫຼີ ເພື່ອເປັນການຢ້ຳເຖິງເຈດຕະນາຂອງປະຕິຍານປັນມຸນຈອມ ທີ່ສອງເກົາຫຼີໄດ້ຮ່ວມກັນລົງນາມກັນໃນວັນທີ 27 ເມສາ 2018 ທີ່ຜ່ານມາ.

4. ສະຫະລັດ ອາເມຣິກາ ແລະ ເກົາຫຼີເໜືອ ໃຫ້ຄຳໝັ້ນສັນຍາຈະຮ່ວມຄົ້ນຫາສະເລີຍເສິກ-ຜູ້ຫາຍສາບສູນປາງສົງຄາມ ລວມທັງການສົ່ງຕົວ ຫຼື ຮ່າງທີ່ເຫຼືອຢູ່ຜູ້ທີ່ສາມາດພິສູດຕົວຕົນໄດ້ແລ້ວທັນທີ.