ສ.ອາເມຣິກາ ຖອນຕົວອອກຈາກຂໍ້ຕົກລົງນິວເຄຼຍກັບອີຣານ

ສຳນັກຂ່າວຕ່າງປະເທດລາຍງານເມື່ອວັນທີ 8 ພຶດສະພາ 2018 ວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ຖະແຫຼງເມື່ອວັນອັງຄານ ທີ່ຜ່ານມາວ່າ: ສະຫະລັດ ອາເມຣິກາ ຂໍຖອນຕົວອອກຈາກການເປັນຄູ່ຮ່ວມໃນຂໍ້ຕົກລົງນິວເຄຼຍຂອງອີຣານ ເຊິ່ງເປັນຂໍ້ຕົກລົງທີ່ຊົ່ວຮ້າຍທີ່ສຸດ ແລະ ເປັນສິ່ງທີ່ບໍ່ຄວນເກີດຂຶ້ນຕັ້ງແຕ່ຕົ້ນ ເນື່ອງຈາກເປັນພັນທະລະຫວ່າງປະເທດທີ່ບໍ່ມີທາງຢຸດຢັ້ງຄວາມພະຍາຍາມຂອງອີຣານ ໃນການພັດທະນາອາວຸດນິວເຄຼຍໄດ້ ພ້ອມທັງເຕືອນວ່າ ລັດຖະບານອີຣານ ອາດຕ້ອງພົບກັບຄວາມຍາກລຳບາກຫາກກັບໄປເດີນໜ້າພັດທະນານິວເຄຼຍ ໂດຍບໍ່ໄດ້ລົງເລິກລາຍລະອຽດແຕ່ຢ່າງໃດ. Statement on the Iran Nuclear Deal: https://t.co/O3SpryCKkc — Donald J. Trump (@realDonaldTrump) May 8, 2018 ເຊິ່ງການທີ່ລັດຖະບານສະຫະລັດ ອາເມຣິກາ ບໍ່ລົງນາມຮັບຮອງຂໍ້ຕົກລົງດັ່ງກ່າວອີກຕໍ່ໄປ ທີ່ໄດ້ລົງນາມໄປເມື່ອປີ 2015 ນັ້ນ ມີຄວາມເປັນໄປໄດ້ສູງທີ່ມາດຕະການຂວໍ້າບາດທີ່ເຄີຍຖືກຍົກເວັ້ນມາຕັ້ງແຕ່ຕອນນັ້ນຈົນເຖິງປັດຈຸບັນ ແລະ ຂໍ້ຕົກລົງທາງທຸລະກິດລະຫວ່າງຜູ້ປະກອບການຂອງສະຫະລັດ ອາເມຣິກາ ແລະ ອີຣານ ຈະໄດ້ຮັບຜົນກະທົບ, ເຊິ່ງລວມເຖິງໃບອະນຸຍາດການຮ່ວມມືທາງການຄ້າລະຫວ່າງບໍລິສັດໂບອິ້ງ ກັບ ລັດຖະບານອີຣານ, ໂດຍທ່ານ ສະຕີບ ມະນູຊິນ ລັດຖະມົນຕີກະຊວງການເງິນຂອງສະຫະລັດ ອາເມຣິກາ ກ່າວວ່າໃບອະນຸຍາດດັ່ງກ່າວ ຕ້ອງຖືກຍົກເລີກ, ໃນດ້ານຂອງບໍລິສັດໂບອິ້ງ ອອກຖະແຫຼງການກ່ຽວກັບເລື່ອງນີ້ວ່າ ຈະມີການປຶກສາຫາລືກັບລັດຖະບານສະຫະລັດ ອາເມຣິກາ ໃນເລື່ອງນີ້, ສ່ວນແອບັສຍັງບໍ່ສະແດງຄວາມຄິດເຫັນ. ນອກຈາກນີ້, ທ່ານ ສະຕີບ ມະນູຊິນ ຍັງກ່າວເຖິງມາດຕະການຂວໍ້າບາດທີ່ຈະມີການຟື້ນຟູໂດຍຄວບຄຸມເຖິງອຸດສາຫະກຳນ້ຳມັນດິບຂອງອີຣານ ທີ່ປັດຈຸບັນຖືເປັນປະເທດຜູ້ຜະລິດນ້ຳມັນລາຍໃຫຍ່ອັນດັບທີ 5 ຂອງໂລກ, ເຊິ່ງໃນກໍລະນີຂອງການຊື້-ຂາຍນ້ຳມັນຕ້ອງຢຸດຕິພາຍໃນ 180 ວັນ, ຄຳກ່າວຂອງທ່ານ ສະຕີບ ມະນູຊິນ ສົ່ງຜົນໃຫ້ສັນຍາຊື້-ຂາຍນ້ຳມັນດິບລ່ວງໜ້າໃນຕະຫຼາດໂລກປັ່ນປ່ວນ, ເຊັ່ນດຽວກັນກັບຕະຫຼາດຮຸ້ນ Wall Street ທີ່ເຄື່ອນໄຫວໃນແດນລົບຕະຫຼອດວັນທີ່ຜ່ານມາ. ຂະນະທີ່ທ່ານ ຮັສຊັນ ໂຣຮານີ ປະທານປະເທດອີຣານ ກ່າວວ່າອີຣານຈະຍັງຄົງຢຶດໝັ້ນຕາມຂໍ້ຕົກລົງສະບັບນີ້ຕໍ່ໄປ ແຕ່ພ້ອມຈະກັບມາເດີນໜ້າໂຄງການເສີມສ້າງຄວາມສາມາດດ້ານຢູເຣນຽມອີກຄັ້ງ ຫາກເຖິງຍາມຈຳເປັນ ແລະ ກ່າວອີກວ່າຈະມີການປຶກສາຫາລືກັບລັດຖະບານຂອງປະເທດທີ່ຍັງເຫຼືອຢູ່ໃນຂໍ້ຕົກລົງພາຍໃນອະນາຄົດອັນໃກ້ນີ້ໄດ້ແກ່: ລັດເຊຍ, ຝຣັ່ງ, ອັງກິດ, ຈີນ ແລະ ເຢຍລະມັນ. There are few issues more important to the security of the US than the potential spread of nuclear weapons or the potential for even more destructive war in the Middle East. Today’s decision to put the JCPOA at risk is a serious mistake. My full statement: https://t.co/4oTdXESbxe — Barack Obama (@BarackObama) May 8, 2018 ໃນດ້ານຂອງກະຊວງການຕ່າງປະເທດອາຣັບບີ ຊາອູດິດ ແລະ ອິດສະຣາແອນ ອອກຖະແຫຼງການສະແດງຄວາມຊົມເຊີຍສະຫະລັດ ອາເມຣິກາ ທີ່ຖອນຕົວຈາກຂໍ້ຕົກລົງນິວເຄຼຍກັບອີຣານ, ແຕ່ທ່ານ ບາຣັກ ໂອບາບາ ອະດີດປະທານປະເທດສະຫະລັດ ອາເມຣິກາ ເຊິ່ງເປັນຜູ້ລົງນາມໃນຂໍ້ຕົກລົງດັ່ງກ່າວເມື່ອ 3 ປີກ່ອນ ໄດ້ລົງຂໍ້ຄວາມໃນ Twitter ວ່າ: ການຖອນຕົວອອກຈາກຂໍ້ຕົກລົງນິວເຄຼຍກັບອີຣານ ຄືຄວາມຜິດພາດຄັ້ງໃຫຍ່ຫຼວງ ແລະ ມີແຕ່ຈະຍິ່ງສ້າງຄວາມເສື່ອມເສຍໃຫ້ແກ່ສະຫະລັດ ອາເມຣິກາ ໃນເວທີສາກົນ.