ຄົນລາວ ຂ້າປາດຄໍແມ່ຕູ້-ຫຼານຊາວໄທ ຊິງຊັບຢ່າງໂຫດຫ້ຽມ, ຕຳຫຼວດເລັ່ງໄລ່ລ້າ (ວິດີໂອ)

ສື່ໄທລາຍງານ 16 ກັນຍາ 2018 ວ່າ: ເຈົ້າໜ້າທີ່ຕຳຫຼວດຂອງໄທໄດ້ນຳກຳລັງເຂົ້າກວດສອບເຮືອນຫຼັງໜຶ່ງ ທີ່ເປັນຮ້ານຂາຍເຄື່ອງ ຢູ່ຕຳບົນບັງຍໍ ອຳເພີພະປະແດງ ຈັງຫວັດສະໝຸດປາການ ພາຍຫຼັງໄດ້ຮັບແຈ້ງວ່າ ມີຄົນພົບສົບຖືກຂ້າປາດຄໍໃນເຮືອນຫຼັງດັ່ງກ່າວ ໂດຍພົບສົມເປັນເດັກນ້ອຍຍິງນາງ ເອ (ນາມສົມມຸດ) ອາຍຸ 12 ປີ ຖືກຂ້າປາດຄໍນອນເສຍຊີວິດຢູ່ເທິງຕຽງນອນ, ພາຍໃນຫ້ອງນ້ຳຫຼັງບ້ານພົບສົບນາງ ມະລິ ອິ່ມສະຫວັດດີ ອາຍຸ 67 ປີ ຖືກປາດຄໍເສຍຊີວິດເຊັ່ນດຽວກັນ ຈາກການກວດສອບພາຍໃນເຮືອນພົບຮ່ອງຮອຍການຕໍ່ສູ່ ແລະ ຮ່ອງຮອຍການຮື້ຄົ້ນ ໂດຍມີສາຍຄໍຄຳ 1 ບາດ ພ້ອມເງິນສົດຈຳນວນໜຶ່ງຫາຍໄປ ນອກຈາກນີ້ຍັງມີຜູ້ໄດ້ຮັບບາດເຈັບຄືນາງ ບີ (ນາມສົມມຸດ) ອາຍຸ 9 ປີ ຖືກຄົນຮ້າຍປາດຄໍບາດເຈັບສາຫັດ ພົນລະເມືອງດີໄດ້ນຳສົ່ງໂຮງໝໍແລ້ວ.

ຈາກການສືບສວນສອບສວນປະຊາຊົນຜູ້ຢູ່ໃກ້ຈຸດເກີດເຫດເລົ່າໃຫ້ຟັງວ່າ: ກ່ອນເກີດເຫດຕົນໄດ້ຍ່າງມາຊື້ນ້ຳອັດລົມທີ່ຮ້ານ ແຕ່ຜູ້ຂາຍ (ນາງ ມະລິ) ບອກວ່າລືມກຸນແຈຕູ້ແຊ່ເຢັນ ຈຶ່ງຍ່າງເຂົ້າໄປຫາໃນເຮືອນ ປາກົດວ່າມິດງຽບໄປດົນເຕີບ ໂດຍລະຫວ່າງລໍຖ້າຢູ່ນັ້ນໄດ້ພົບເຫັນ ທ້າວ ພູລາ ເຊິ່ງເປັນຄົນລາວ ອາຍຸ 22 ປີ ເປັນຊ່າງເຊື່ອມຈອດ ທີ່ພັກຢູ່ບໍລິເວນໃກ້ຄຽງຮ້ານຂາຍເຄື່ອງດັ່ງກ່າວຍ່າງສວນອອກມາ ໂດຍຕາມຕົນໂຕ ແລະ ເຄື່ອງນຸ່ງ ພົບວ່າມີເລືອດ ຈຶ່ງສອບຖາມໄປວ່າ “ເຂົ້າໄປໃນເຮືອນເພິ່ນເຮັດຫຍັງ” ປາກົດວ່າທ້າວ ພູລາ ບອກພຽງແຕ່ວ່າ “ມານອນເປັນໝໍເຈົ້າຂອງຮ້ານ” ຈາກນັ້ນກໍ່ຮີບຍ່າງອອກໄປທັນທີ ທຳອິດກໍ່ຢາກຍ່າງນຳທ້າວ ພູລາ ເພື່ອຖາມໃຫ້ຮູ້ເລື້ອງ ແຕ່ກໍ່ຮູ້ສຶກເປັນຫ່ວງເຈົ້າຂອງຮ້ານຫຼາຍກວ່າ ຈຶ່ງຮີບຮ້ອນຍ່າງເຂົ້າໄປເບິ່ງໃນເຮືອນ ເຮັດໃຫ້ພົບຜູ້ບາດເຈັບ ແລະ ເສຍຊີວິດດັ່ງກ່າວ ຫຼັງຈາກນັ້ນກໍ່ຮີບໂທລະສັບແຈ້ງຕຳຫຼວດ ໃຫ້ມາກວດສອບໃນທັນທີ ເບື້ອງຕົ້ນເຈົ້າໜ້າທີ່ສັນນິຖານວ່າ ເປັນການຂ້າຊິງຊັບ ຫຼັງຈາກນັ້ນກໍ່ໄດ້ເລັ່ງຕິດຕາມຕົວທ້າວ ພູລາ ທີ່ເປັນຜູ້ຕ້ອງສົງໄສລາຍດັ່ງກ່າງນີ້ ມາສືບສວນສອບສວນໂດຍໄວ.

ໃນດ້ານຂອງນາງ ປະວິນາ ໂພດິລົກ ອາຍຸ 25 ປີ ພັນລະຍາທ້າວ ພູລາ ໄດ້ຫອບລູກຊາຍອາຍຸ 2 ເດືອນເຂົ້າໃຫ້ປາກຄຳກັບເຈົ້າໜ້າທີ່ຕຳຫຼວດວ່າ ຕົນ ແລະ ທ້າວ ພູລາ ມີປາກສຽງກັນເມື່ອຕອນຄ່ຳຂອງວັນທີ 15 ກັນຍາ ທີ່ຜ່ານມາ ຈາກນັ້ນເວລາປະມານ 18:00 ຂອງວັນທີ 15 ກັນຍາ ທ້າວ ພູລ້າ ໄດ້ອອກຈາກຫ້ອງພັກໄປ ຕົນກໍ່ບໍ່ໄດ້ສົນໃຈ ແລະ ລ້ຽງລູກນ້ອຍຈົນຫຼັບ.