ທ່ານ ເຈິ່ນ ດ້າຍ ກວາງ ປະທານປະເທດຫວຽດນາມ ເຖິງແກ່ກຳ ໃນໄວອາຍຸ 61 ປີ

AFP PHOTO / POOL / MINH HOANG
AFP PHOTO / POOL / MINH HOANG

ສຳນັກຂ່າວຕ່າງປະເທດລາຍງານ 21 ກັນຍາ 2018 ວ່າ: ທ່ານ ເຈິ່ນ ດ້າຍ ກວາງ ປະທານປະເທດຫວຽດນາມ ເຖິງແກ່ນຳແລ້ວທີ່ໂຮງໝໍທະຫານ ໃນນະຄອນຫຼວງຮ່າໂນຍ ເມື່ອວັນສຸກ 21​ ກັນຍາ 2018 ນີ້, ຂະນະອາຍຸໄດ້ 61 ປີ ພາຍຫຼັງປ່ວຍດ້ວຍໂລກຮ້າຍແຮງ ເຖິງແມ່ນວ່າຄະນະແພດ-ໝໍ ຈະລະດົມທຸກກຳລັງຄວາມສາມາດໃນການປິ່ນປົວທັງພາຍໃນ ແລະ ຕ່າງປະເທດແລ້ວກໍ່ຕາມ.

ທ່ານ ເຈິ່ນ ດ້າຍ ກວາງ ຂຶ້ນດຳລົງຕຳແໜ່ງປະທານປະເທດຫວຽດນາມ ເມື່ອເດືອນ ເມສາ 2016 ພາຍຫຼັງທີ່ຮັບລັດຖະການຢູ່ໃນກະຊວງປ້ອງກັນຄວາມສະຫງົບຂອງຫວຽດນາມ ມາຍາວນານກວ່າ 40 ປີ ໄດ້ຊື່ວ່າເປັນຜູ້ນຳທີ່ເດັດຂາດຈົນເກືອບບໍ່ມີກະແສຕໍ່ຕ້ານ.

ລາຍງານຂ່າວລະບຸວ່າ: ທ່ານ ເຈິ່ນ ດາຍ ກວາງ ມີຮູບຮ່າງຈ່ອຍ ແລະ ອ່ອນເພຍເມື່ອປາກົດຕົວໃນທີ່ສາທາລະນະ ແລະ ຍັງຍືນຊົງຕົວບໍ່ໄດ້ດີ ເຫັນໄດ້ຊັດເຈນເມື່ອອາທິດທີ່ຜ່ານມາ ໃນພິທີຕ້ອນຮັບການເດີນທາງມາຢ້ຽມຢາມນະຄອນຫຼວງຮ່າໂນຍ ຂອງທ່ານ ໂຈໂຄ ວິໂດໂດ ປະທານປະເທດອິນໂດເນເຊຍ, ສ່ວນພາລະກິດສຸດທ້າຍຂອງທ່ານເມື່ອສອງວັນກ່ອນ ຄືການຕ້ອນຮັບຄະນະນັກການເມືອງຈີນ ແລະ ແຂກຕ່າງປະເທດທີ່ມາຢ້ຽມຢາມນະຄອນຫຼວງຮ່າໂນຍ ນອກຈາກນັ້ນແລ້ວທ່ານ ເຈິ່ນ ດ້າຍ ກວາງ ຍັງເປັນຄະນະກຳມະການບໍລິຫານງານສູນກາງພັກຄອມມູນິດຫວຽນາມ ແລະ ໄດ້ຊື່ວ່າເປັນຜູ້ນຳທີ່ເດັດຂາດ ແລະ ມີອິດທິພົນຢູ່ພາຍໃນພັກຄອມມູນິດຫວຽດນາມ.

AFP PHOTO / POOL / LUONG THAI LINH
AFP PHOTO / POOL / Bullit Marquez
AFP PHOTO / POOL / Nhac NGUYEN