ປະຊາຊົນລັດຍະໄຂ່ ເດີນຂະບວນປະທ້ວງ ບໍ່ຕ້ອງການຮັບໂຣຮິງຢາກັບຄືນ

ສຳນັກຂ່າວຕ່າງປະເທດລາຍງານເມື່ອວັນທີ 25 ພະຈິກ 2018 ທີ່ຜ່ານມາວ່າ: ປະຊາຊົນປະມານ 100 ຄົນ ນຳໂດຍພະສົງ ແລະ ສາມະເນນ ເດີນຂະບວນຜ່ານໃຈກາງເມືອງຊິດຕະເວ ພ້ອມກັບຖືແຜ່ນປ້າຍຂໍ້ຄວາມສີແດງ ແລະ ຮ້ອງຄຳຂວັນ, ພະສົງທີ່ເຂົ້າຮ່ວມການເດີນຂະບວນກ່າວວ່າ: ບໍ່ມີປະໂຫຍດໃດໆຕໍ່ພວກເຮົາ ແລະ ຕໍ່ປະເທດຂອງພວກເຮົາ ຫາກພວກເຮົາຮັບພວກເບງກາລີກັບ.

ເບງກາລີເປັນຄຳດູຖູກທີ່ຊາວມຽນມາໃຊ້ຮຽກຊາວໂຣຮິງຢາໃນປະເທດ ເຊິ່ງສື່ເຖິງຄວາມໝາຍ ຜູ້ມາໃໝ່ຈາກບັງກະລາເທດ.

ການປະທ້ວງເກີດຂຶ້ນພຽງ 10 ວັນ ຫຼັງຈາກທາງການບັງກະລາເທດ ແລະ ມຽນມາ ກຳນົດເລີ່ມການສົ່ງຕົວຜູ້ລີ້ໄພຊາວໂຣຮິງຢາບາງກຸ່ມ ໃນຈຳນວນປະມານ 700,000 ຄົນ ທີ່ຫຼົບໜີຄວາມຮຸນແຮງໃນລັດຍະໄຂໄປຍັງບັງກະລາເທດກັບຄືນລັດຍະໄຂ່.

ຜູ້ປະທ້ວງຊາວພຸດໃນເມືອງຊິດຕະເວ ຮຽກຮ້ອງໃຫ້ລັດຖະບານຢ່າອະນຸຍາດໃຫ້ຜູ້ລີ້ໄພຫຼົບໜີໄປ ກັບມາຕັ້ງຖິ່ນຖານໃໝ່ ໃນຫຼາຍທີ່ພື້ນທີ່ທາງຕອນເໜືອຂອງລັດຍະໄຂ ແລະ ລັດຖະບານຄວນດຳເນີນການຢ່າງຈິງຈັງ ໃນການກວາດລ້າງຜູ້ອົບພະຍົບຜິດກົໝາຍຈາກບັງກະລາເທດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube