ຊາວອິນເດຍຫຼາຍລ້ານຄົນ ລົງອາບແມ່ນ້ຳສັກສິດ ໃນເທດສະການກຸມເມລາ (ວິດີໂອ)

ສຳນັກຂ່າວຕ່າງປະເທດລາຍງານ 4 ກຸມພາ 2019 ວ່າ: ຜູ້ສະແຫວງບຸນຊາວຮິນດູ ປະເທດອິນເດຍຫຼາຍລ້ານຄົນ ແຫ່ລົງອາບນ້ຳໃນແມ່ນ້ຳສັກສິດ 3 ສາຍ (ແມ່ນ້ຳຄົງຄາ, ຢະມຸນາ ແລະ ສະຣັດສະວະດີ) ໂດຍສະເພາະຈຸດທີ່ແມ່ນ້ຳທັງ 3 ສາຍໄຫຼມາລວມກັນ ເຊິ່ງເຊື່ອວ່າເປັນຈຸດທີ່ສັກສິດທິສຸດ ຕາມຄວາມເຊື່ອທາງສາສະໜາ ໃນເທດສະການກຸມເມລາ. ຊາວຮິນດູເຊື່ອວ່າ ການລົງອາບນ້ຳໃນແມ່ນ້ຳສັກຈະຊ່ວຍລ້າງບາບຂອງເຂົາເຈົ້າ ໂດຍງານດັ່ງກ່າວຈັດຂຶ້ນເປັນເວລາ 49 ວັນ, ໂດຍມີປະຊາຊົນເກືອບ 12 ລ້ານຄົນເຂົ້າຮ່ວມພິທີອາບນ້ຳຄັ້ງທຳອິດເມື່ອວັນທີ 15 ມັງກອນ ທີ່ຜ່ານມາ ແລະ ຕະຫຼອດໄລຍະງານຈະມີຜູ້ສະແຫວງບຸນປະມານ 140 ລ້ານຄົນເຂົ້າຮ່ວມງານ ເຊິ່ງຈະດຳເນີນໄປຈົນເຖິງວັນທີ 4 ມີນາ. https://www.youtube.com/watch?v=JnYb5e4gaYo