ທ່ານ ປູຕິນ ປະກາດພ້ອມຕອບໂຕ້ ສ.ອາເມຣິກາ ດ້ວຍຂີປະນາວຸດ ຫາກປະຕິບັດຕົວເປັນໄພ

ສຳນັກຂ່າວຕ່າງປະເທດລາຍງານ 20 ກຸມພາ 2019 ວ່າ: ທ່ານ ວະລາດິເມຍ ປູຕິນ ປະທານປະເທດລັດເຊຍ ຖະແຫຼງວ່າລັດເຊຍບໍ່ໄດ້ຕ້ອງການທີ່ຈະປະເຊີນໜ້າ ແລະ ຈະບໍ່ເປັນຝ່າຍບຸກກ່ອນໃນການສົ່ງຂີປະນາວຸດເພື່ອຕອບໂຕ້ການທີ່ສະຫະລັດ ອາເມຣິກາຕັດສິນໃຈທີ່ຈະຍົກເລີກຂໍ້ຕົກລົງວ່າດ້ວຍການຄວບຄຸມອາວຸດສະໄໝສົງຄາມເຢັນ ເຊິ່ງຖືເປັນຄຳຖະແຫຼງທີ່ຮຸນແຮງທີ່ສຸດຂອງຜູ້ນຳລັດເຊຍ ຕໍ່ກັບການແຂ່ງຂັນກັນສະສົມອາວຸດຍຸກໃໝ່.

Russian President Vladimir Putin delivers his annual state of the nation address in Moscow on February 20, 2019. (Photo by Alexander NEMENOV / AFP)

ທ່ານ ປູຕິນ ກ່າວວ່າການທີ່ລັດເຊຍຈະຕອບໂຕ້ການສົ່ງຂີປະນາວຸດເຂົ້າມາປະຈຳການໃນເອີຣົບນັ້ນ ບໍ່ແມ່ນແນວທາງຂອງການແກ້ໄຂບັນຫາ ແຕ່ຜູ້ກຳນົດນະໂຍບາຍຂອງສະຫະລັດ ອາເມຣິກາຕ່າງຫາກທີ່ຍັງຖືກຄອບງຳຢູ່ກັບລັດທິຄວາມເປັນເລີດຂອງສະຫະລັດ ອາເມຣິກາ, ຄວນຈະປະເມີນຄວາມສ່ຽງກ່ອນທີ່ຈະຕັດສິນໃຈໃດໆ ເພາະລັດເຊຍຈະຕອບໂຕ້ສະຫະລັດ ອາເມຣິກາຫາກຍັງຄິດທີ່ຈະສົ່ງຂີປະນາວຸດພິໄສໃກ້ ເຖິງ ກາງເຂົ້າມາປະຈຳການໃນເອີຣົບ ບໍ່ພຽງແຕ່ການເລັງເປົ້າໝາຍຂີປະນາວຸດຂອງລັດເຊຍໄປຍັງປະເທດທີ່ຕັ້ງຂີປະນາວຸດຂອງສະຫະລັດ ອາເມຣິກາ ແຕ່ຍັງຈະເລັງໄປເຖິງເປົ້າໝາຍຂອງສູນກາງການຕັດສິນໃຈຕໍ່ບັນຫາດັ່ງກ່າວ ເຊິ່ງໝາຍເຖິງປະເທດສະຫະລັດ ອາເມຣິການັ້ນເອງ.

ເຊິ່ງສະຫະລັດ ອາເມຣິກາ ກ່າວຫາວ່າລັດເຊຍລະເມີດຂໍ້ຕົກລົງ ຈຶ່ງຂໍຍົກເລີກສົນທິສັນຍາອາວຸດນິວເຄຼຍພິໄສກາງ (INF) ປີ 1987.