ລັດເຊຍເຜີຍແຜ່ວິດີໂອການທົດລອງ ໂດຣນນິວເຄຼຍໃຕ້ນ້ຳເປັນຄັ້ງທຳອິດ

ສຳນັກຂ່າວຕ່າງປະເທດລາຍງານ 21 ກຸມພາ 2019 ວ່າ: ກະຊວງປ້ອງກັນປະເທດລັດເຊຍໄດ້ເຜີຍແຜ່ວິດີໂອການທົດລອງໂດຣນນິວເຄຼຍໃຕ້ນ້ຳຮຸ້ນໃໝ່ “Poseidon” (ໂພໄຊດອນ) ເມື່ອວັນພຸດ ທີ່ຜ່ານມາ, ພາຍຫຼັງທີ່ທ່ານ ວະລາດິເມຍ ປູຕິນ ປະທານປະເທດລັດເຊຍ ກ່າວເຖິງອາວຸດຊະນິດໃໝ່ໃນລະຫວ່າງການຖະແຫຼງນະໂຍບາຍ ແລະ ຜົນງານປະຈຳປີ ຕໍ່ກອງປະຊຸມຮ່ວມສະພາ, ໂດຍໃນວິດີໂອໄລຍະສັ້ນໆໄດ້ສະແດງໃຫ້ເຫັນໂດຣນ ແລະ ຊ່ວງຈັງຫວະທີ່ຍິງ ແຕ່ກະຊວງປ້ອງກັນປະເທດລັດເຊຍບໍ່ໄດ້ລະບຸວັນ-ເວລາ ແລະ ສະຖານທີ່ທົດລອງ.

Russian President Vladimir Putin delivers his annual state of the nation address in Moscow on February 20, 2019. (Photo by Alexander NEMENOV / AFP)

ໃນລະຫວ່າງການກ່າວຖະແຫຼງທ່ານ ປະຕິນ ໄດ້ກ່າວວ່າ ການທົດລອງໂພໄຊດອນປະສົບຄວາມສຳເລັດຢ່າງຈົບງາມ ແລະ ເຮືອດຳນ້ຳລຳທຳອິດທີ່ຈະຕິດຕັ້ງໂດຣນນິວເຄຼຍໃຕ້ນ້ຳຮຸ້ນໃໝ່ນີ້ ຈະເຂົ້າປະຈຳການໃນກອງທັບປະມານທ້າຍປີນີ້.

ທ່ານ ປູຕິນ ກ່າວເຖິງອາວຸດຮຸ້ນໃໝ່ເປັນຄັ້ງທຳອິດເມື່ອປີທີ່ຜ່ານມາ ໂດຍລະບຸວ່າ ມັນເປັນເກາະປ້ອງກັນລະບົບສະກັດກັ້ນຂີປະນາວຸດກາງອາກາດ ແລະ ສາມາດບັນທຸກອາວຸດນິວເຄຼຍຂະໜາດໃຫຍ່ ເພື່ອໂຈມຕີເປົ້າໝາຍທີ່ເປັນກອງເຮືອບັນທຸກຍົນຮົບຂອງສັດຕູໄດ້ ຫຼື ພື້ນທີ່ຕາມແນວຝັ່ງ, ນອກຈາກນັ້ນ ມັນຍັງສາມາດປະຕິບັດການໃຕ້ທະເລໄດ້ໃນລະດັບທີ່ເລິກຫຼາຍ ດ້ວຍຄວາມໄວຫຼາຍເທົ່າຂອງເຮືອຮົບ ຫຼື ຕໍປີໂດທີ່ໄວທີ່ສຸດເທົ່າທີ່ມີຢູ່ໃນປັດຈຸບັນ.

- Advertisement -