ຫາກບໍ່ມີຄວາມມຸ່ງໝັ້ນທີ່ຈະປົດອາວຸດນິວເຄຼຍ ບໍ່ນັ່ງລົດໄຟ 4,000 ກິໂລແມັດມາປະຊຸມ: ຜູ້ນຳເກົາຫຼີເໜືອກ່າວ

ສຳນັກຂ່າວຕ່າງປະເທດລາຍງານ 28 ກຸມພາ 2019 ວ່າ: ຈາກຄວາມຄືບໜ້າຂອງການພົບປະຫາລືຢ່າງເປັນທາງການຄັ້ງທີ 2 ລະຫວ່າງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກັບທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ທີ່ນະຄອນຫຼວງຮ່າໂນ້ຍ ທີ່ມີໄລຍະເວລາ 2 ວັນ ໂດຍເປີດສາກຂຶ້ນເມື່ອຕອນຄ່ຳຂອງວັນພຸດທີ່ຜ່ານມາ ແລະ ມີກຳນົດສຳເລັດໃນວັນພະຫັດນີ້, ໃນຕອນໜຶ່ງຂອງການພົບປະຫາລືແບບຄົບຄະນະ ທີ່ລັດຖະມົນຕີກະຊວງການຕ່າງປະເທດຂອງສະຫະລັດ ອເມຣິກາ ແລະ ເກົາຫຼີເໜືອເຂົ້າຮ່ວມດ້ວຍຄືທ່ານ ໄມ ພອມແພວ ແລະ ທ່ານ ຣີ ຢອງ-ໂຮ, ທ່ານ ໂດໂນ ທຣຳ ໄດ້ສະເໜີແນວຄິດການເປີດສຳນັກງານປະສານງານຂອງລັດຖະບານສະຫະລັດ ອາເມຣິກາໃນນະຄອນຫຼວງປຽງຢາງ ແລະ ໄດ້ຮັບການຕອບຮັບຈາກຜູ້ນຳເກົາຫຼີເໜືອ.

US President Donald Trump (3rd L) and North Korea’s leader Kim Jong Un (2nd R) hold a bilateral meeting during the second US-North Korea summit at the Sofitel Legend Metropole hotel in Hanoi on February 28, 2019. (Photo by Saul LOEB / AFP)

US President Donald Trump (C) smiles during a bilateral meeting with North Korea’s leader Kim Jong Un (not pictured) at the second US-North Korea summit at the Sofitel Legend Metropole hotel in Hanoi on February 28, 2019. (Photo by SAUL LOEB / AFP)

North Korea’s leader Kim Jong Un (C) speaks during a bilateral meeting with US President Donald Trump (not pictured) at the second US-North Korea summit at the Sofitel Legend Metropole hotel in Hanoi on February 28, 2019. (Photo by SAUL LOEB / AFP)

ເຊິ່ງຫາກສຳນັກງານດັ່ງກ່າວເກີດຂຶ້ນຈິງ ຈະຖືເປັນຈຸດເລີ່ມຕົ້ນຄັ້ງສຳຄັນໃນການຟື້ນຟູສາຍພົວພັນທາງການທູດລະຫວ່າງທັງສອງປະເທດ, ຂະນະດຽວກັນ ທ່ານ ໂດໂນ ທຣຳຢ້ຳວ່າສະຫະລັດ ອາເມຣິກາສາມາດປ່ຽນແປງເກົາຫຼີເໜືອໃຫ້ກາຍເປັນມະຫາອຳນາດເສດຖະກິດ ຫາກຂະບວນການປົດອາວຸດນິວເຄຼຍສຳເລັດສົມບູນ ແຕ່ເລື່ອງນີ້ບັນດານັກວິເຄາະຕີລາຄາວ່າ ເປັນໄປໄດ້ຍາກ ເພາະສະຫະລັດ ອາເມຣິກາ ແລະ ເກົາຫຼີເໜືອ ຍັງຄົງຕີຄວາມໝາຍຂອງການປົດອາວຸດນິວເຄຼຍໄປຄົນລະທາງ.

ໃນດ້ານຂອງຜູ້ນຳເກົາຫຼີເໜືອກ່າວວ່າ ຕົນຄົງບໍ່ຍອມນັ່ງລົດໄຟເດີນທາງມາໄກເຖິງ 4,000 ກິໂລແມັດ ແລະ ໃຊ້ເວລາດົນເຖິງ 2 ວັນເຄິ່ງ ເພື່ອເດີນທາງມາພົບກັບຜູ້ນຳສະຫະລັດ ອາເມຣິກາທີ່ນະຄອນຫຼວງຮ່າໂນ້ຍ ຫາກລັດຖະບານເກົາຫຼີເໜືອບໍ່ມີຄວາມມຸ່ງໝັ້ນໃນການປົດອາວຸດນິວເຄຼຍ, ແຕ່ຢ້ຳວ່າເລື່ອງນີ້ເປັນບັນຫາລະອຽດອ່ອນ ແລະ ທັງສອງຝ່າຍຕ້ອງໄດ້ປຶກສາຫາລືກັນຢ່າງຕໍ່ເນື່ອງອີກຫຼາຍຄັ້ງ, ເຖິງຢ່າງໃດກໍ່ຕາມ ເປັນທີ່ສັງເກດວ່າການພົບປະຫາລືໃນມື້ທີ 2 ເຊິ່ງເປັນມື້ສຸດທ້າຍນັ້ນ ສຳເລັດໄວກວ່າກຳນົດເກືອບ 2 ຊົ່ວໂມງ ແລະ ບໍ່ມີພິທີລົງນາມໃນຂໍ້ຕົກລົງຕາມທີ່ທຳນຽບຂາວປະກາດກ່ອນໜ້ານີ້.

US President Donald Trump (R) walks with North Korea’s leader Kim Jong Un during a break in talks at the second US-North Korea summit at the Sofitel Legend Metropole hotel in Hanoi on February 28, 2019. (Photo by Saul LOEB / AFP)


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube