ສ.ອາເມຣິກາ ຊ້ອມຍິງຂີປະນາວຸດຂ້າມທະວີບ ປະຊັນກັບເກົາຫຼີເໜືອ (ວິດີໂອ)

ສຳນັກຂ່າວຕ່າງປະເທດລາຍງານ 10​ ພຶດສະພາ 2019 ວ່າ: ສຳນັກຂ່າວກາງເກົາຫຼີ (KCNA) ກະບອກສຽງຂອງລັດຖະບານເກົາຫຼີເໜືອລາຍງານວ່າ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໄດ້ຕິດຕາມສັງເກດການປະຕິບັດການເຝິກຊ້ອມໂຈມຕີ ຂອງກອງທັບປະຊາຊົນເກົາຫຼີ ເພື່ອຍົກລະດັບຄວາມພ້ອມໃນການປ້ອງກັນອະທິປະໄຕຂອງປະເທດ ໂດຍລາຍງານຂອງ KCNA ລະບຸພຽງວ່າ ເປັນການຍິງຂີປະນາວຸດພິໄສໃກ້ຢ່າງໜ້ອຍ 2 ລູກ, ໃນດ້ານຂອງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກ່າວວ່າຕົນຮູ້ສຶກຜິດຫວັງ ກັບສະຖານະການຢູ່ແຫຼມເກົາຫຼີທີ່ກັບມາເຄັ່ງຕຶງອີກຄັ້ງ ແລະ ຕີລາຄາວ່າຕອນນີ້ເກົາຫຼີເໜືອຍັງບໍ່ພ້ອມສຳລັບການເຈລະຈາຄັ້ງໃໝ່.

An unarmed Minuteman III intercontinental ballistic missile launches during an operational test at 12:40 a.m. Pacific Daylight Time Thursday May 9, 2019, at Vandenberg Air Force Base, Calif. (U.S. Air Force photo by Airman 1st Class Hanah Abercrombie)

An unarmed Minuteman III intercontinental ballistic missile launches during an operational test at 12:40 a.m. Pacific Daylight Time Thursday May 9, 2019, at Vandenberg Air Force Base, Calif. (U.S. Air Force photo by Airman 1st Class Aubree Milks)

ເຖິງຢ່າງໃດກໍ່ຕາມ, ໃນວັນດຽວກັນກັບທີ່ເກົາຫຼີເໜືອຍິງຂີປະນາວຸດຄັ້ງທີ 2 ພາຍໃນໄລຍະເວລາຫ່າງກັນພຽງ 5 ວັນ ເຊິ່ງຂີປະນາວຸດທັງ 2 ຊຸດທີ່ຍິງຕົກລົງໃນທະເລຕາເວັນອອກ ກອງທັບອາກາດສະຫະລັດ ອາເມຣິກາກໍ່ໄດ້ເຝິກຊ້ອມຍິງຂີປະນາວຸດຂ້າມທະວີບ (ICBM) Minuteman III ຈາກຖານທັບອາກາດແວນເດນເບິກ ໃນລັດຄາລິຟໍເນຍ ໂດຍກອງທັບສະຫະລັດ ອາເມຣິກາອ້າງວ່າເປັນການເຝິກຊ້ອມຕາມກຳນົດການທີ່ກຽມໄວ້ລ່ວງໜ້າ ເພື່ອກະຕຸ້ນຄວາມພ້ອມຂອງເຈົ້າໜ້າທີ່ໃນການຮັບມືກັບໄພຮຸກຮານ ແຕ່ມີລາຍງານວ່າການຍິງຂີປະນາວຸດຂອງກອງທັບສະຫະລັດ ອາເມຣິກາຄັ້ງນີ້ເກີດຂຶ້ນພາຍຫຼັງທີ່ເກົາຫຼີເໜືອຍິງຂີປະນາວຸດພຽງ 10 ນາທີ.

ໃນອີກດ້ານໜຶ່ງ,​ ການຍິງຂີປນະາວຸດຄັ້ງທີ 2 ຂອງເກົາຫຼີເໜືອໃນອາທິດນີ້ ເກີດຂຶ້ນພາຍຫຼັງທີ່ລັດຖະບານເກົາຫຼີເໜືອປະກາດຢຸດຕິໂຄງການທົດລອງຂີປະນາວຸດຂ້າມທະວີບ (ICBM) ເມື່ອເດືອນພະຈິກ 2017 ເນື່ອງຈາກເປັນໂຄງການທີ່ປະສົບຄວາມສຳເລັດແລ້ວ ແລະ ໂຄງການພັດທະນາດ້ານຂີປະນາວຸດທີ່ລວມເຖິງອາວຸດນິວເຄຼຍຂອງປະເທດວ່າສຳເລັດຜົນແລ້ວເຊັ່ນກັນ, ນອກຈາກນີ້ ໃນວັນດຽວກັນກັບທີ່ເກົາຫຼີເໜືອ ແລະ ສະຫະລັດ ອາເມຣິກາຕ່າງຝ່າຍຕ່າງອ້າງວ່າເປັນການເຝິກຊ້ອມນັ້ນ ທ່ານ ສະຕີເຟນ ບີກັນ ທູດພິເສດດ້ານວຽກງານເກົາຫຼີເໜືອຂອງລັດຖະບານສະຫະລັດ ອາເມຣິກາ ຢູ່ໃນລະຫວ່າງການຢ້ຽມຢາມນະຄອນຫຼວງໂຊ ປະເທດເກົາຫຼີໃຕ້ພໍດີ ເພື່ອປຶກສາຫາລືກັບລັດຖະບານເກົາຫຼີໃຕ້ ກ່ຽວກັບການເພີ່ມຄວາມຊ່ວຍເຫຼືອດ້ານມະນຸດສະທຳ ໃຫ້ແກ່ເກົາຫຼີເໜືອ ຄຽງຄູ່ໄປກັບການປົດອາວຸດນິວເຄຼຍ ຈາກການລາຍງານຂອງສະຫະປະຊາຊາດ (UN) ລະບຸວ່າຜົນຜະລິດດ້ານກະສິກຳຂອງເກົາຫຼີເໜືອ ປີທີ່ຜ່ານມາມພຽງ 4.9 ລ້ານໂຕນ ຕ່ຳທີ່ສຸດໃນຮອບ 1 ທົດສະວັດ.