ກອງປະຊຸມທົບທວນສົນທິສັນຍາ ບໍ່ແຜ່ຂະຫຍາຍອາວຸດນິວເຄຼຍ ຈົບລົງໂດຍບໍ່ມີຂໍ້ຕົກລົງໃດໆ

Press Briefing by Ambassador Syed Hasrin Syed Hussin, Chair of the Third Preparatory Committee for the 2020 NPT Review Conference

ສຳນັກຂ່າວຕ່າງປະເທດລາຍງານວ່າ: ກອງປະຊຸມຂອງສະມາຊິກສົນທິສັນຍາ ວ່າດ້ວຍການບໍ່ແຜ່ຂະຫຍາຍອາວຸດນິວເຄຼຍ (Non-Proliferation of Nuclear Weapons : NPT) ໄດ້ສິ້ນສຸດລົງເມື່ອວັນທີ 10 ພຶດສະພາ 2019 ທີ່ຜ່ານມາ ໂດຍບໍ່ມີການຮ່າງເອກະສານສັນທາມະຕິໃດໆ ເຊິ່ງກອງປະຊຸມດັ່ງກ່າວ ເປັນການທົບທວນຄືນສົນທິສັນຍາ ບໍ່ແຜ່ຂະຫຍາຍອາວຸດນິວເຄຼຍ 2020 ທີ່ຈັດຂຶ້ນເປັນເວລາ 2 ອາທິດ ທີ່ສຳນັກງານໃຫຍ່ຂອງສະຫະປະຊາຊາດ ໃນນະຄອນນິວຢອກ, ສະຫະລັດ ອາເມຣິກາ.

ໂດຍປະເທດທີ່ຄອບຄອງ ແລະ ບໍ່ໄດ້ຄອບຄອງອາວຸດນິວເຄຼຍ ບໍ່ສາມາດຕົກລົງກັນໄດ້ວ່າ ຈະປະຕິບັດຕາມແນວທາງໃດ ເພື່ອໃຫ້ຂະບວນການປົດອາວຸດນິວເຄຼຍມີຄວາມຄືບໜ້າ.

ປະເທດທີ່ບໍ່ໄດ້ຄອບຄອງອາວຸດນິວເຄຼຍຫຼາຍປະເທດ ຮຽກຮ້ອງໃຫ້ລະບຸໃນຮ່າງສົນທິສັນຍາສະບັບໃໝ່ ໃຫ້ມີທົບທວນຄືນການຈັດຕັ້ງປະຕິບັດຕາມຂໍ້ຕົກລົງໃນສົນທິສັນຍາຄັ້ງກ່ອນ ທີ່ລະບຸວ່າ ອາວຸດນິວເຄຼຍເປັນອາວຸດທີ່ໄຮ້ມະນຸດສະທຳ. ນອກຈາກນີ້, ບັນດາປະເທດທີ່ບໍ່ໄດ້ຄອບຄອງອາວຸດນິວເຄຼຍ ຍັງຕ້ອງການເອກະສານທີ່ລະບຸວ່າ ມີຫຼາຍປະເທດທີ່ສະໜັບສະໜູນສົນທິສັນຍາ ຂອງສະຫະປະຊາຊາດ ວ່າດ້ວຍການຫ້າມອາວຸດນິວເຄຼຍ ແຕ່ສະຫະລັດ ອາເມຣິກາ ແລະ ບາງປະເທດທີ່ຄອບຄົວອາວຸດນິວເຄຼຍຄັດຄ້ານຕໍ່ບັນຫາດັ່ງກ່າວ ໂດຍໃຫ້ເຫດຜົນເຖິງຄວາມຈຳເປັນດ້ານຄວາມໝັ້ນຄົງ.