ເຮືອຮົບ ສ.ອາເມຣິກາ ຕັດໜ້າເຮືອຮົບລັດເຊຍ ເກືອບປະທະກັນກາງທະເລຈີນຕາເວັນອອກ (ວິດີໂອ)

ສຳນັກຂ່າວຕ່າງປະເທດເມື່ອວັນທີ 7 ມິຖຸນາ 2019 ທີ່ຜ່ານມາວ່າ: ກອງທັບລັດເຊຍຖະແຫຼງວ່າ ເຮືອລາດຕະເວນຕິດຂີປະນາວຸດນຳວິຖີ USS Chancellorsvills ຂອງກອງທັບເຮືອສະຫະລັດ ອາເມຣິກາ ແລ່ນເຂົ້າໃກ້ພຽງ 50 ແມັດ ຈາກເຮືອພິຄາດ Admiral Vinogradov ຂອງກອງທັບເຮືອລັດເຊຍ ເຊິ່ງຕ້ອງໃຊ້ປະຕິບັດການສຸກເສີນເພື່ອຫຼີກລ້ຽງການປະທະກັນທາງທະເລ.

Two images released by the U.S. Navy show the U.S. Navy cruiser USS Chancellorsville (right) and the Russian destroyer Admiral Vinogradov as they nearly collide in the Philippine Sea on Friday.

ເຫດການດັ່ງກ່າວເກີດຂຶ້ນໃນຕອນເຊົ້າຂອງວັນສຸກທີ່ຜ່ານມາ ໃນທະເລຟາກຕາເວັນອອກຂອງທະເລຈີນຕາເວັນອອກ ຂະນະທີ່ກອງເຮືອຮົບລັດເຊຍກຳລັງແລ່ນເປັນແນວຂະໜານ ກັບກອງເຮືອຮົບສະຫະລັດ, ເຮືອຮົບສະຫະລັດ ອາເມຣິກາ ໄດ້ປ່ຽນທິດທາງຢ່າງກະທັນຫັນ ແລະ ແລ່ນຕັດໜ້າເຮືອຮົບລັດເຊຍ ພາຍໃນໄລຍະພຽງ 50 ແມັດ, ຖະແຫຼງການລະບຸວ່າ ກອງທັບເຮືອລັດເຊຍໄດ້ຍື່ນການປະທ້ວງ ຜ່ານຄື້ນຄວາມຖີ່ວິທະຍຸສາກົນ ໄປຍັງຜູ້ບັງຄັບເຮືອຮົບສະຫະລັດ ອາເມຣິກາ ພ້ອມກັບເຕືອນໃຫ້ລະວັງການກະທຳທີ່ບໍ່ອາດຍອມຮັບໄດ້ດັ່ງກ່າວ.

ທາງດ້ານກອງທັບເຮືອສະຫະລັດ ອາເມຣິກາໄດ້ກ່າວປະຕິເສດຂໍ້ກ່າວຫາຂອງລັດເຊຍ ພ້ອມກັບກ່າວຫາກັບວ່າ ເຮືອຮົບລັດເຊຍມີພຶດຕິກຳທີ່ບໍ່ປອດໄພ ແລະ ບໍ່ເປັນມືອາຊີບ, ຖະແຫຼງການຂອງກອງເຮືອທີ 7 ກອງທັບເຮືອສະຫະລັດ ກ່າວວ່າ: ຂະນະທີ່ປະຕິບັດການຢູ່ໃນທະເລຟິລິບປິນ ເຮືອພິຄາດລັດເຊຍ ໄດ້ແລ່ນໃນລັກສະນະບໍ່ປອດໄພເຂົ້າຫາເຮືອຂອງສະຫະລັດ ອາເມຣິກາ ເຮັດໃຫ້ເຮືອສະຫະລັດ ອາເມຣິກາ ຕ້ອງຢຸດເຮືອກະທັນຫັນຢ່າງເຕັມກຳລັງ ແລະ ຫັນເຮືອເພື່ອຫຼີກລ້ຽງການປະທະກັນ, ເຮືອພິຄາດລັດເຊຍແລ່ນເຂົ້າມາໃນໄລຍະ 50-100 ຟຸດ ເຮັດໃຫ້ສ່ຽງຕໍ່ອັນຕະລາຍ ຕໍ່ເຮືອ ແລະ ລູກເຮືອສະຫະລັດ ອາເມຣິກາ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube