ເກີດເຫດແຜ່ນດິນໄຫວທີ່ ເມືອງຄຳເກີດ ແຂວງບໍລິຄຳໄຊ

ເມື່ອເວລາ 13:36 ນາທີ ຂອງວັນທີ 14 ມັງກອນ 2018 ໄດ້ເກີດເຫດແຜ່ນດິນໄຫວຂະໜາດ 4.8 ໂດຍມີຈຸດສູນກາງຢູ່ເສັ້ນຂະໜາດທີ 18.40 ອົງສາເໜືອ ແລະ ເສັ້ນແວງທີ 105.00 ອົງສາຕາເວັນອອກ ທີ່ຢູ່ໃກ້ກັບຊາຍແດນຫວຽດນາມ ບ້ານທີ່ໃກ້ກັບຈຸດສູນກາງທີ່ສຸດແມ່ນບ້ານນ້ຳປັນ, ບ້ານຖ້ຳປີ້ງ ແລະ ບ້ານນາເຮືອງ ເມືອງຄຳເກີດ ໂດຍແຮງສັ່ນສະເທືອນສາມາດຮັບຮູ້ໄດ້ເຖິງຕົວເມືອງຄຳເກີດ ແລະ ເມືອງນາກາຍແຂວງຄຳມ່ວນ.

ແຕ່ຍັງບໍ່ມີລາຍງານຄວາມເສຍຫາຍ ຫຼື ຜູ້ໄດ້ຮັບບາດເຈັບ ຫຼື ເສຍຊີວິດ ຈາກເຫດການດັ່ງກ່າວ.