ເຕືອນໄພສຶນາມິ ພາຍຫຼັງເກີດແຜ່ນດິນໄວ 6.9 ຣິກເຕີ ຢູ່ເກາະຊວາ ປະເທດອິນໂດເນເຊຍ

ລາຍງານ 2 ສິງຫາ 2019, ເກີດເຫດແຜ່ນດິນໄຫວຮຸນແຮງບໍລິເວນນອກຝັ່ງເກາະຊວາ ປະເທດອິນໂດເນເຊຍ ເຊິ່ງມີປະຊາກອນອາໄສຢູ່ຢ່າງໜາແໜ້ນ, ສຳນັກງານດ້ານໄພພິບັດແຫ່ງອິນໂດເນເຊຍ ໄດ້ອອກປະກາດເຕືອນໄພຄື້ນຍັກສຶນາມິ ທີ່ອາດສູງເຖິງ 3 ແມັດ.

ແຜ່ນດິນໄຫວເກີດຂຶຶ້ນເມື່ອເວລາ 19:03 ໂມງ ຕາມເວລາທ້ອງຖິ່ນ, ສຳນັກງານສຳຫຼວດທໍລະນີວິທະຍາຂອງສະຫະລັດ ອາເມຣິກາ ຫຼື USGS ວັດແທກຄວາມແຮງຂອງແຜ່ນດິນໄຫວຄັ້ງນີ້ໄດ້ 6.9 ຣິກເຕີ, ຈຸດສູນກາງຂອງແຜ່ນດິນໄຫວຢູ່ນອກຝັ່ງທະເລ ແລະ ຢູ່ເລິກລົງໄປ 52.8 ກມ ແຮງສັ່ນສະເທືອນສາມາດຮັບຮູ້ໄດ້ໃນຫຼາຍເມືອງ ລວມເຖິງນະຄອນຫຼວງຈາກາຕາ.

ທາງການອິນໂດເນເຊຍ ໄດ້ປະກາດໃຫ້ປະຊາຊົນອົບພະຍົບຂຶ້ນບ່ອນສູງ ເບື້ອງຕົ້ນຍັງບໍ່ມີລາຍງານຄວາມເສຍຫາຍຕໍ່ຊີວິດ ແລະ ຊັບສິນ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube