ມຽນມາຝົນຕົກໜັກ ດິນເຈື່ອນທັບບ້ານເຮືອນປະຊາຊົນ ເສຍຊີວິດແລ້ວ 48 ຄົນ

ລາຍງານ 11 ສິງຫາ 2019: ມຽນມາປະເຊີນສະພາບຝົນຕົກໜັກຢ່າງຕໍ່ເນື່ອງ ເຮັດໃຫ້ນ້ຳຖ້ວມເກືອບທົ່ວທຸກພາກໃນປະເທດ ໂດຍສະເພາະພາກໃຕ້ ຕົ້ນເປັນແມ່ນລັດມອນ ທີ່ເກີດດິນພູເຈື່ອນທັບບ້ານເຮືອນປະຊາຊົນເມື່ອວັນສຸກ (9 ສິງຫາ) ທີ່ຜ່ານມາ.

ໜັງສືພິມ The Global New Light of Myanmar ຂອງທາງການມຽນມາລາຍງານວ່າ: ໃນລັດມອນນ້ຳຖ້ວມບ້ານເຮືອນປະຊາຊົນຫຼາຍກວ່າ 4,000 ຫຼັງ, ເຮັດໃຫ້ປະຊາຊົນຫຼາຍກວ່າ 25,000 ຄົນ ຕ້ອງອົບພະຍົບໄປອາໄສຢູ່ຕາມວັດ ແລະ ມີຍອດຜູ້ເສຍຊີວິດແລ້ວ 48 ຄົນ ແລະ ເຈົ້າໜ້າທີ່ຍັງຄົງຄົ້ນຫາຜູ້ສູນຫາຍ ແລະ ກູ້ໄພຕໍ່ໄປ.