ຕວັກກີຕ້ອງການຊື້ຍົນຮົບ Su-57 ຈາກລັດເຊຍ, ພາຍຫຼັງທີ່ ສ.ອາເມຣິກາ ບໍ່ຂາຍ F-35 ໃຫ້

ລາຍງານ 29 ສິງຫາ 2019: ເຊິ່ງເມື່ອເດືອນກໍລະກົດ ທີ່ຜ່ານມາ ລັດເຊຍໄດ້ສົ່ງມອບລະບົບຂີປະນາວຸດປ້ອງກັນໄພທາງອາກາດ S-400 ຊຸດທຳອິດໃຫ້ກັບຕວັກກີ ແລະ ກຳລັງສົ່ງມອບຊຸດທີສອງເມື່ອວັງອັງຄານ ທີ່ຜ່ານມາ (27 ສິງຫາ) ການເຄື່ອນໄຫວດັ່ງກ່າວເຮັດໃຫ້ສາຍພົວພັນລະຫວ່າງຕວັກກີ ກັບກຸ່ມປະເທດພັນທະມິດໃນອົງການ NATO ເຄັ່ງຕຶງ ແລະ ເຮັດໃຫ້ ສ.ອາເມຣິກາ ເລີ່ມຖອນຕວັກກີອອກຈາກໂຄງການຜະລິດຍົນຮົບ F-35 ທີ່ຕວັກກີມີແຜນສັ່ງຊື້ຍົນດັ່ງກ່າວ.

ທ່ານ ເດິມີທຣີ ຊູກາເຢບ ຜູ້ອຳນວຍການສຳນັກງານການຮ່ວມມືທາງເຕັກນິກກອງທັບສູນກາງແຫ່ງລັດເຊຍ ກ່າວເມື່ອວັນພຸດ ທີ່ຜ່ານມາ ວ່າຕົນມີແຜນພົບປະຫາລືກັບຄະນະຜູ້ແທນລັດຖະບານຕວັກກີ ກ່ຽວກັບລະບົບ S-400 ລວມທັງຄວາມເປັນໄປໄດ້ໃນການຂາຍຍົນຮົບ Su-35 ແລະ Su-57 ທີ່ຕວັກກີໃຫ້ຄວາມສົນໃຈ ແລະ ຂະນະນີ້ຍັງຢູ່ໃນຂັ້ນເລີ່ມຕົ້ນຂອງການເຈລະຈາເພື່ອເຮັດສັນຍາ.

Su-57

Su-35

ທ່ານ ເຣເຊບ ເທຢິບ ເອີໂດກັນ ປະທານປະເທດຕວັກກີ ທີ່ຢູ່ໃນລະຫວ່າງການຢ້ຽມຢາມລັດເຊຍ ກ່າວວ່າ ຕວັກກີຕ້ອງການສານຕໍ່ການຮ່ວມມືທາງດ້ານອຸດສາຫະກຳປ້ອງກັນປະເທດ ລວມເຖິງການຊື້-ຂາຍຍົນຮົບ ຫຼັງການພົບປະເຈລະຈາໃນນະຄອນຫຼວງມົດສະກູກັບທ່ານ ວະລາດິເມຍ ປູຕິນ ປະທານປະເທດລັດເຊຍ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube