ສານໂຮ່ຈິມິນ ປະຫານ 8 ຊີວິດ ພວກຄ້າເຮໂຣອິນລາຍໃຫຍ່ ທີ່ນຳເຂົ້າຈາກ ສປປ.ລາວ

ລາຍງານ 8 ຕຸລາ 2019, ພາຍຫຼັງທີ່ມີການພິຈາລະນາຄະດີເປັນເວລາໜຶ່ງອາທິດ, ເມື່ອວັນຈັນ 7 ຕຸລາ ທີ່ຜ່ານມາ ສານປະຊາຊົນນະຄອນໂຮ່ຈິມິນ ໄດ້ຕັດສິນປະຫານຊີວິດແກ່ຈຳເລີຍ 8 ຄົນ ຈາກທັງໝົດ 9 ຄົນ ໃນຄະນະອາຍາ ຄ້າຢາເສບຕິດຂ້າມຊາດ ທີ່ນຳໂດຍທ້າວ ຟານ ຫິວ ຫຽວ.

ຜູ້ຮ່ວມຂະບວນການອີກ 7 ຄົນທີ່ຖືກປະຫານຊີວິດປະກອບມີ: ທ້າວ ຫງວຽນ ແທັງ ນຳ, ບຸຍ ດິງ ຈົງ, ລີ ເທີ ເຟືອກ, ຟານ ແທັກ ຊິງ, ເຈິນ ດຶກ ຈາມ, ໂງ ຮວາງ ແອັງ ຊຸງ ແລະ ນາງ ເຈິນ ແອັງ ຫງວຽດ ທັງໝົດມີອາຍຸລະຫວ່າງ 35-65 ປີ, ສ່ວນທ້າວ ຫງວຽນ ເຫງັດ ເຊືອງ ຖືກຕັດສິນຕັດອິດສະຫຼະພາບຕະຫຼອດຊີວິດ.

ຈາກສຳນວນຄະດີໃຫ້ຮູ້ວ່າ: ນັບຕັ້ງແຕ່ເດືອນມິຖຸນາ 2018 ເຖິງວັນທີ 11 ກໍລະກົດ 2019 ທີ່ດານັງ ແລະ ໂຮ່ຈິມິນ ທ້າວ ຟານ ຫິວ ຫຽວ ແລະ ພວກໄດ້ມີການຊື້-ຂາຍເຮໂຣອິນ 379 ແທ່ງ (ເທົ່າກັບ 132 ກິໂລກຣາມ) ແລະ ຢາບ້າ 55 ກິໂລກຣາມ, ຖືເປັນຂະບວນຄ້າເຮໂຣອິນ ທີ່ໃຫຍ່ທີ່ສຸດໃນນະຄອນໂຮ່ຈິມິນ ຈົນເຖິງປັດຈຸບັນນີ້, ໂດຍຂະບວນການດັ່ງກ່າວຮັບສາລະພາບວ່າ ນຳເຂົ້າຈາກ ສປປ.ລາວ ໄປຍັງເມືອງດານັງ ກ່ອນທີ່ຈະກະຈາຍໄປຍັງພື້ນທີ່ຕ່າງໆໃນຫວຽດນາມ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube