ຊາວບ້ານຈູດຖຽງນາ ແລະ ຖິ້ມໝາກແຕກໃສ່ເຮືອນ ເພື່ອຫວັງຂັບໄລ່ ເພາະຖືກຫາວ່າເປັນ “ປອບ”

ງານ 11 ຕຸລາ 2019, ມີຜູ້ໃຊ້ facebook ຊື່ Bounmy Tita ໄດ້ລົງຂໍ້ຄວາມ ພ້ອມພາບປະກອບເລົ່າວ່າ: ຊາວບ້ານນາມົນ, ເມືອງອາດສະພອນ, ແຂວງສະຫວັນນະເຂດ ໄດ້ກ່າວຫາວ່າ “ແມ່” ຂອງຕົນເປັນ “ປອບ”.

ຈົນຫຼ້າສຸດມາຮອດວັນທີ 8 ຕຸລາ ທີ່ຜ່ານມາ ຊາວບ້ານໄດ້ຖິ້ມໝາກແຕກໃສ່ເຮືອນ ເຮັດໃຫ້ສິ່ງຂອງຈຳນວນຫຼາຍເສຍຫາຍ ຕາມການກ່າວອ້າງຂອງຜູ້ກ່ຽວ, ນອກຈາກນີ້ຍັງໄດ້ຈູດຖຽງນາ ຂອງຜູ້ກ່ຽວ ເພື່ອຫວັງຂັບໄລ່ຄອບຄົວດັ່ງກ່າວໃຫ້ອອກຈາກບ້ານ.

ຜູ້ກ່ຽວຍັງກ່າວຕື່ມວ່າ: ຖ້າຫາກເປັນປອບແທ້ ເຮົາບໍ່ຢູ່ດອກ ເຮົາຂໍອອກຈາກບ້ານດີກວ່າ ຈະຢູ່ໃຫ້ຊາວບ້ານປ້ອຍດ່າເຮັດຫຍັງ, ຊິໃຫ້ເຂົາເຈົ້າມາຂູ່ເອົາຊີວິດເຮັດຫຍັງ ຫຼາຍຄົນບອກໃຫ້ຢູ່ເພື່ອພິສູດວ່າບໍລິສຸດ ແຕ່ນີ້ຄືການຕອບແທນຂອງການຢູ່ເພື່ອພິສູດຕົນເອງ, ພ້ອມທັງສະຫຼຸບໃນຕອນທ້າຍວ່າ ທ່ານຄິດວ່າເຫດການນີ້ເປັນແນວໃດ? ທ່ານຮັບໄດ້ບໍ່ ເມື່ອຕ້ອງພົບກັບບັນຫາແບບນີ້.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube