ເກີດແຜ່ນດິນໄຫວ 7.0 ຣິກເຕີ ທີ່ນິວຄາລິໂດເນຍ ເຕືອນໄພສຶນາມິທົ່ວປາຊີຟິກ

ສຳນັກຂ່າວຕ່າງປະເທດລາຍງານ 20 ພະຈິກ 2017 ວ່າ: ສຳນັກງານສຳຫຼວດທໍລະນີວິທະຍາສະຫະລັດ (USGS) ກວດພົບການເກີດແຜ່ນດິນໄຫວຮຸນແຮງ 7.0 ຣິກເຕີ ເມື່ອເວລາ 09:43​ ນາທີ ຕາມເວລາທ້ອງຖິ່ນຂອງນິວຄາລິໂດເນຍ (New Caledonia) ເຊິ່ງເປັນດິນແດນຫ່າງໄກທາງທະເລຂອງຝຣັ່ງ ທີ່ຄັ້ງຢູ່ທິດໃຕ້ຂອງມະຫາສະໝຸດປາຊີຟິກ ໂດຍຈຸດສູນກາງຂອງແຜ່ນດິນໄຫວເລິກລົງໄປໃຕ້ທະເລພຽງ 10 ກິໂລແມັດ ຫ່າງຈາກເກາະລໍຢັນຕີ ເຊິ່ງເປັນໜຶ່ງໃນເກາະຍ່ອຍຂອງນິວຄາໂດເນຍໄປທາງຕາເວັນອອກປະມານ 82 ກິໂລແມັດ.

ເຊິ່ງກ່ອນໜ້ານີ້ USGS ວັດແທກຄວາມຮຸນແຮງຂອງແຜ່ນດິນໄຫວໄດ້ 7.3 ຣິກເຕີ ແຕ່ປັບຫຼຸດລົງໃນເວລາຕໍ່ມາ, ຂະນະທີ່ພາຍຫຼັງເກີດເຫດສູນເຕືອນໄພສຶນາມິໃນມະຫາສະໝຸດປາຊີຟິກ ເຊິ່ງຄວບຄຸມໄກເຖິງປະເທດວານູອາຕູ ໂດຍມີລາຍງານການເກີດຄື້ນສຶນາມິສູງ 1 ແມັດ ເຄື່ອນເຂົ້າສູ່ຊາຍຝັ່່ງຂອງນິວຄາລິໂດເນຍໃນໄລຍະທຳອິດ.

- Advertisement -