ຟິລິບປິນສົ່ງກອງທັບ ໄປອົບພະຍົບພົນລະເມືອງອອກຈາກອິຣັກ ແລະ ອີຣານ

ລາຍງານ 8 ມັງກອນ 2020, ກະຊວງການຕ່າງປະເທດຟິລິບປິນອອກຖະແຫຼງການ ກ່ຽວກັບຄວາມຈຳເປັນໃນການອົບພະຍົບພົນລະເມືອງອອກຈາກອິຣັກ ແລະ ອີຣານ ເຊິ່ງສ່ວນໃຫຍ່ເປັນແຮງງານແມ່ບ້ານ ແລະ ປັດຈຸບັນມີຈຳນວນລວມກັນປະມານ 700 ຄົນ, ໂດຍກອງທັບເຮືອ ແລະ ກອງທັບອາກາດໄດ້ສົ່ງຍານພາຫະນະເດີນທາງໄປຍັງອິຣັກແລ້ວ.

ເຊິ່ງການປະກາດດັ່ງກ່າວເກີດຂຶ້ນບໍ່ພໍເທົ່າໃດຊົ່ວໂມງ ພາຍຫຼັງທີ່ກອງທັບປະຕິວັດອີຣານ ໂຈມຕີຖານທັບ ສ.ອາເມຣິກາ 2 ແຫ່ງໃນອິຣັກ.

ຂະນະດຽວກັນ, ທ່ານ ໂຣດຼິໂກ ດູເຕເຕ ສົ່ງຄະນະຜູ້ແທນພິເສດເດີນທາງໄປຍັງອິຣັກ ແລະ ອີຣານ ເພື່ອປຶກສາຫາລື ແລະ ຂໍຄວາມເຊື່ອໝັ້ນຈາກທັງສອງປະເທດ ໃນການຮັບປະກັນຄວາມປອດໄພໃຫ້ກັບພົນລະເມືອງຟິລິບປິນ ໃນກໍລະນີທີ່ສະຖານະການລຸກລາມບ້ານປາຍ, ເຊິ່ງຟິລິບປິນເປັນປະເທດທີ່ສົ່ງອອກແຮງງານແມ່ບ້ານໄປຍັງຕາເວັນອອກາງເປັນຈຳນວນຫຼາຍ ການຕັດສິນໃຈອົບພະຍົບພົນລະເມືອງອອກຈາກອິຣັກ ມີທິດທາງຈະກະຕຸ້ນໃຫ້ອີກຫຼາຍປະເທດໃນອາຊີ ທີ່ມີພົນລະເມືອງຢູ່ໃນອິຣັກປະຕິບັດຕາມ.